ИШТИРОКИ ДОНИШҶӮЁН ДАР ОЛИМПИАДАИ БАЙНАЛМИЛАЛӢ

4 майи соли 2022 чор нафар донишҷӯи факултети химияи Донишгоҳи давлатии омӯзгории Тоҷикистон ба номи Садриддин Айнӣ дар олимпиадаи байналмилалии интернетӣ аз фанни химия, ки аз тарафи Донишгоҳи байналмилалии нафту гази Ҷумҳурии Туркманистон ба номи Яхшигелди Какаев ташкил шудааст, иштирок намуданд. Олимпиадаи мазкур дар шакли фардӣ аз рӯи ду категория гузаронида мешавад. Категорияи якум барои донишҷӯёне мебошад, ки фанни химияро меомӯзанд, ва категорияи дуюм барои онҳое аст, ки фанни химияро намеомӯзанд.  Натиҷаи олимпиада 20 май эълон мегардад.

ЁДБУДИ ДАСТПАРВАР ВА ОМЎЗГОРИ ДОНИШГОҲ - ШОИРИ МАЪРУФ ТИЛЛО ПӮЛОДӢ

4 майи соли 2022 дар Донишгоҳи давлатии омӯзгории Тоҷикистон ба номи Садриддин Айнӣ бо ибтикори факултети филологияи тоҷик ҳамоиши илмию адабӣ бахшида ба 110-солагии шоир ва омӯзгори кафедраи адабиёти тољик Тилло Пӯлодӣ (1912-1974) баргузор гардид. Дар ин ҳамоиш устодону донишҷӯёни донишгоҳ, адибон, шогирдон ва пайвандони Тилло Пӯлодӣ иштирок намуданд. Чорабиниро ректори донишгоҳ профессор Нуъмонҷон Ғаффорӣ ифтитоҳ намуда, аз хизматҳои мавсуф дар ҷодаи адабиёт ва фаъолияти омӯзгории ӯ дар донишгоҳ ёдовар шуда, ҳамзамон зикр намуд, ки ӯ солҳои зиёд сардор ва гардонандаи маҳфили “Адибони ҷавон”-и донишгоҳро ба ўҳда дошт.

МУАММОҲОИ ЭКОЛОГИИ МИНТАҚАҲОИ ТАБИИ ҶУМҲУРИИ ТОҶИКИСТОН

4 майи соли 2022 бо ибтикори кафедраи геоэкологияи  Донишгоҳи давлатии омӯзгории Тоҷикистон ба номи Садриддин Айнӣ дар ҳамкорӣ бо Сарраёсати ҳифзи муҳити зист дар шаҳри Душанбе бахшида ба Рӯзи тарбияи экологӣ, “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи маориф” ва Даҳсолаи байналмилалии амал “Об барои рушди устувор” конференсияи ҷумҳуриявии илмӣ-назариявӣ дар мавзӯи “Муаммоҳои экологии минтақаҳои табии Ҷумҳурии Тоҷикистон” баргузор гардид, ки дар он мутахассисон аз дигар донишгоҳу донишкадаҳо ва дигар ниҳодҳои илмии кишвар иштирок карданд.

ТАЪМИНИ МУТАХАССИСОНИ ҶАВОН БО ҶОИ КОР

Бо мақсади таъмин намудани муассисаҳои таълимии ҷумҳурӣ бо мутахассисони ҷавон ҳар сол дар Донишгоҳи давлатии омӯзгории Тоҷикистон ба номи Садриддин Айнӣ вохӯрии хатмкунандагон бо намояндагони шуъбаи маорифи шаҳру ноҳияҳо барпо карда мешавад. Ҳамин тавр 3-юми майи соли 2022 вохӯрии навбатӣ бо хатмкунандагони риштаи омӯзгории донишгоҳ баргузор гардид. Дар ин вохӯрӣ ректори донишгоҳ Нуъмонҷон Ғаффорӣ, сармутахассиси раёсати кадрҳои Вазорати маориф ва илми Ҷумҳурии Тоҷикистон Сафармо Сафарзода, сардори шуъбаи кадрҳои сарраёсати маорифи шаҳри Душанбе Ҷумъахон Самиев ва намояндагони шуъбаҳои маорифи шаҳру ноҳияҳои кишвар иштирок карданд.

ТАҶРИБА ВА САҲМИ ЛОИҲАИ "РУШДИ ТАҲСИЛОТИ ОЛӢ" ДАР ТОҶИКИСТОН

28 апрели соли 2022 дар Донишгоҳи давлатии тиббии Тоҷикистон ба номи Абӯалӣ ини Сино бо иштироки муовини вазири маориф ва илм Лутфия Абдулхолиқзода, намояндагони лоиҳаи “Рушди таҳсилоти олӣ”, вазорату идораҳои дахлдор, муассисаҳои таҳсилоти олии касбӣ ва Бонки ҷаҳонӣ дар мавзӯи “Таҷриба ва саҳми Лоиҳаи “Рушди таҳсилоти олӣ” дар Тоҷикистон” конфронс баргузор гардид, ки дар он намояндагони Донишгоҳи давлатии омӯзгории Тоҷикистон ба номи Садриддин Айнӣ низ ширкат варзиданд.

МИЗИ МУДАВВАР БАХШИДА БА ОМӮЗИШ ВА РУШДИ ИЛМҲОИ ТАБИАТШИНОСӢ ВА РИЁЗӢ

28 апрели соли 2022 дар Донишгоҳи давлатии омӯзгории Тоҷикистон ба номи Садриддин Айнӣ мизи мудаввар дар мавзӯи “Омӯзиш ва рушди илмҳои табиатшиносӣ ва риёзӣ” бахшида ба “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” баргузор гардид. Дар мизи мудаввар муовини ркктор оид ба корҳои илмӣ Акобир Мирзораҳимов, сардори раёсати илм ва инноватсия Комрон Кудратов, сардори шуъбаи тайёр кардани кадрҳои илмӣ ва илмӣ педагогии донишгоҳ Раъно Бобокалонова ва унвонҷӯёну докторантони донишгоҳ иштирок карданд.

ДАВРИ ДОНИШГОҲИИ ОЗМУНИ ҶУМҲУРИЯВИИ  «ФУРӮҒИ СУБҲИ ДОНОӢ КИТОБ АСТ» БАРГУЗОР ГАРДИД

Дар Донишгоҳи давлатии омӯзгории Тоҷикистон ба номи Садриддин Айнӣ даври донишгоҳии озмуни ҷумҳуриявии «Фурӯғи субҳи доноӣ китоб аст» доир гардид. Нахуст, муовнини ректор оид ба корҳои тарбиявӣ Ҷамила Мусоҷонова баромад намуда, перомуни   аҳамияти фарҳангию маърифатӣ ва нуфузу мақоми ин озмуни шуҳратёр ибрози ақида кард. Мавсуф аз ҷумла зикр кард, ки маҳз бо дастгириҳои маърифатпарваронаи Пешвои миллат солҳои охир илму маърифат рушд намуда, миқдори ширкаткунандагони озмунҳои сатҳи ҷумҳуриявӣ бештар мегардад.

Мулоқот бо директори АМАР

26 апрели соли 2022 директори Агентии мустақили аккредитатсия ва рейтинги Ҷумҳурии Қазоқистон Алина Жумагулова ва намояндаи агентии мазкур Олга яновская ба донишгоҳи давлатии Омӯзгории Тоҷикистон ба номи Садриддин Айнӣ ташриф оварда, бо ректори донишгоҳ профессор Нӯъмонҷон Ғаффорӣ ва муовини ректор оид ба робитаҳои байналмилалӣ дотсент Азам Байдуллоев мулоқот анҷом доданд.