МУҲИМТАРИН МАСЪАЛАҲОИ НАЗАРИЯВӢ ВА АМАЛИИ  МУНОСИБАТИ БОСАЛОҲИЯТ БА ТАЪЛИМ БАРРАСӢ ШУДАНД

21 январи соли 2022 дар толори Шурои олимони ДДОТ ба номи С. Айнӣ бо ибтикори кафедраи методикаи таълими забон ва адабиёти тоҷик мизи мудаввар дар мавзӯи «Муҳимтарин масъалаҳои назариявӣ ва амалии  муносибати босалоҳият ба таълим» баргузор гардид. Мудири кафедраи методикаи таълими забон ва адабиёти ДДОТ ба номи С. Айнӣ, профессор Ш.Р. Исрофилниё нишасти илмиро ҳусни ифтитоҳ бахшида, доир ба дурнамои рушди маориф дар сиёсати Ҳукумати Ҷумҳурии Тоҷикистон ва нақшаҳои Вазорати маориф ва илми ҶТ дар ин масъала сухан карда, ҳадаф, зарурат ва мушкилоти татбиқи муносибати босалоҳиятро кӯтоҳ шарҳу тавзеҳ дод. Сипас гузориши дотсенти ДМТ, сарходими АТТ Азим Байзоев дар мавзӯи «Муҳимтарин масъалаҳои назариявӣ ва амалии  муносибати босалоҳият ба таълим» ироа гардид. Дар ин гузориш А. Байзоев доир ба масъалаҳои гуногуни ислоҳоти соҳаи маориф, аз ҷумла роҳҳои татбиқ намудани муносибати босалоҳият ба таълим дар муассисаҳои таҳсилоти миёнаи умумӣ, ҳадаф ва зарурати он, мувофиқати барномаву китобҳои дарсӣ ба ин шеваи таълим ва дигар паҳлӯҳои раванди таълим сухан ронд. Иштирокчиёни мизи мудаввар  перомуни масъалаҳои гуногуни  муносибати босалоҳият ба А. Байзоев савол дода, ҷавобҳои қоноатбахш гирфтанд.

НАШРИ КИТОБИ «ЗАБОНИ ТОҶИКӢ» ДАР АСОСИ ҚОИДАҲОИ НАВИ ИМЛОИ ЗАБОНИ ТОҶИКӢ

«Забони тоҷикӣ» (дастури таълимӣ-тахассусӣ барои донишҷӯёни равияи табиӣ ва риёзӣ) - чунин ном дорад китоби нави мудири кафедраи забони тоҷикии ДДОТ ба номи С.Айнӣ доктори илмҳои филология, профессор Саидмуроди Хоҷазод, ки ба тозагӣ интишор гардид. Китоб дар асоси «Қоидаҳои имлои забони тоҷикӣ ва Аломатҳои китобати забони тоҷикӣ», ки бо Қарори Ҳукумати Ҷумҳурии Тоҷикистон аз 30-юми июни соли 2021, № 268 тасдиқ шудааст, таълиф гардидааст.

Ба хотири вусъати бештари омӯзиши фанҳои табиатшиносию риёзӣ ва ташаккули тафаккури техникии насли ҷавон солҳои 2020-2040 «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» эълон гардид. Бо мақсади амалисозии ин тадбир ва ҷиҳати рушди тафаккури техникӣ, ҷалби бештари хонандагону донишҷӯён ва дигар қишрҳои ҷомеа ба омӯзиши фанҳои табиатшиносӣ, дақиқ ва риёзӣ, инчунин зарурияти тақозои таълим доктори илмҳои филология, профессор Саидмуроди Хоҷазод тасмим гирифта аст, ки нахустин дастури таълимии “Забони тоҷикӣ”- ро барои донишандӯзони риштаҳои табиӣ ва риёзии донишгоҳ таълиф намояд.

КИТОБИ “ОМӮЗГОР - ЧАРОҒИ РӮЗГОР” ДАР ПАРТАВИ ПАЁМИ ПЕШВОИ МИЛЛАТ ИНТИШОР ГАРДИД

Ба хотири  нишон додани дастовардҳои соҳаи маориф дар замони истиқлол, мушкилот ва дурнамои соҳа, ки дар Паёми имсолаи Президент таъкид шудаанд, инчунин  ҷойгоҳи омӯзгор дар ҷомеаи муосир аз ҷониби яке аз нахустин муассисаҳои олии таълимии мамлакат ДДОТ ба номи С. Айнӣ китоби «Омӯзгор - чароғи рӯзгор» таҳия ва нашр гардид. Он фарогири се бахш аст: бахши якум ба инъикоси симои омӯзгор, масъалаҳои мубрами таълиму тарбия ва илму маориф дар партави суханрониҳо, паёмҳо ва таълифоти Пешвои миллат иртибот дорад.

ДАР ПОЙТАХТ БАРОИ ДАРЁФТИ СТИПЕНДИЯИ РАИСИ ШАҲРИ ДУШАНБЕ ОЗМУН ЭЪЛОН ГАРДИД

ДУШАНБЕ, 20.01.2022. /АМИТ «Ховар»/. Мақомоти иҷроияи ҳокимияти давлатии шаҳри Душанбе барои дарёфти стипендияи Раиси шаҳри Душанбе озмун эълон менамояд.  Ин иқдом ҳамасола  бо мақсади дастгирӣ ва ҳавасманд намудани хонандагону донишҷӯёни фаъолу аълохон ва соҳибистеъдоди муассисаҳои таълимии таҳсилоти умумӣ, ибтидоӣ ва миёнаи касбии шаҳри Душанбе роҳандозӣ мегардад, иттилоъ дод сардори Раёсати муассисаҳои томактабӣ ва миёнаи умумии Сарраёсати маорифи шаҳри Душанбе Асомиддин Бобозода ба АМИТ «Ховар».

ФАЪОЛОНИ ТАШКИЛОТИ ИБТИДОИИ ҲИЗБИИ “ОМӮЗГОР” ҒОЛИБОНИ ДАВРИ ШАҲРИИ ОЗМУНҲО ГАРДИДАНД

18 январи соли 2022 дар толори бинои Бонки миллии Тоҷикистон ҷаласаи ҷамъбастии Кумитаи иҷроияи ҲХДТ дар шаҳри Душанбе баргузор гардид, ки дар он муовини раиси ҲХДТ Латифзода Асрор Қурбон, раиси КИ ҲХДТ дар шаҳри Душанбе Мирзозода Иброҳим Холмурод, аъзои Кумитаи иҷроияи шаҳрии ҳизб, раисони кумитаҳои иҷроияи ноҳиявии ҳизб, кормандони сохторҳои ҳизбии шаҳр, фаъолон, як қатор вакилони Маҷлиси вакилони халқи шаҳри Душанбе ва намояндагони ВАО иштирок доштанд.

ШУМОРАИ НАВИ МАҶАЛЛАИ “МУҲАҚҚИҚ”

Шумораи навбатии маҷаллаи илмӣ-омӯзишии муҳаққиқони ҷавон “Муҳаққиқ” тариқи матбааи ДДОТ номи Садриддин Айнӣ аз чоп баромад. Шумораи мазкур 71 мақоларо дар бар мегирад, ки дар онҳо натиҷаи таҳқиқоти магистрон ва мутахассисони ҷавон дарҷ ёфтааст.

ПАЁМ ВА ҲУВИЯТИ МИЛЛИИ ҶАВОНОН

(бардошт аз Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон «Дар бораи самтҳои асосии сиёсати дохилӣ ва хориҷии ҷумҳурӣ»)

“Хотирнишон месозам, ки ҳадафи мо аз баргузории озмунҳои «Илм–фурӯғи маърифат», «Тоҷикистон–Ватани азизи ман», «Фурӯғи субҳи доноӣ китоб аст» ва олимпиадаву озмунҳои гуногун тақвият бахшидани ҳувияти миллӣ, ҳисси ифтихор аз таъриху тамаддуни бостонии халқамон, боз ҳам баланд бардоштани сатҳи саводнокиву маърифатнокии мардум, қабл аз ҳама, наврасону ҷавонон, тақвияти завқи зебоипарастии онҳо ва пайдо кардани истеъдодҳои нодир аз байни наслҳои ояндасоз мебошад.”