Имрӯз ду гуруҳ донишҷӯёни факултети педагогика тибқи нақша-чорабинӣ ба Осорхонаи Донишгоҳи давлатии омӯзгории Тоҷикистон ба номи Садриддин Айнӣ ворид гардида, аз толорҳои намоишии он дидан намуданд.
Ба воситаи экскурсия аз ҷониби шахси масъул ба донишҷӯён дастовардҳои замони соҳибистиқлолӣ, табиати зебои Тоҷикистон, таъриху фарҳанги пурғановати миллати тоҷик ва фаъолияти пурсамари нахустмактаби олии кишвар ва дастовардҳои он дар солҳои охир муаррифӣ карда шуданд.

Муфассал

Рӯзи 30.04.2025 Донишгоҳи давлатии омӯзгории Тоҷикистон ба номи С. Айнӣ тибқи дастури Вазорати маориф ва илми ҶТ чорабинии фарҳангии худро бахшида ба Рӯзи ҷаҳонии забони фаронсавӣ ташкил ва баргузор намуд.
Дар чорабинӣ муовини ректор оид ба робитаҳои байналмилалӣ Қурбонзода Р.В., сафири Фаронса дар Тоҷикистон хонум Элза Пинёл, атташеи фарҳангии сафорати мазкур Жули Оффре-Карю, декани факултети забонҳои романӣ-германӣ Исломзода Ҷ., мудири кафедраи забони фаронсавӣ Султонзода С., меҳмонони ватанию хориҷӣ ва омӯзгорону донишҷӯёни факултети забонҳои романӣ-германӣ ширкат намуданд.

30 апрели соли ҷорӣ Қурбонзода Рухшона муовини ректор оид ба робитаҳои байналмилалии Донишгоҳи давлатии омӯзгории Тоҷикистон ба номи С. Айнӣ намояндагони Донишгоҳи миллии Қазоқистон ба номи Ал-Форобӣ ва “Фонди АвруОсиё” бо роҳбарии Айдарбеков Зейнабилро ба ҳузур пазируфт.
Ҷонибҳо зимни мулоқот оид ба фаъолияти самараноки тарафайн ибрози андеша намуда, омодагиҳои хешро оид ба ҳамкории мутақобилан судманд баён намуданд.
Ҳамчунин, дар рафти мулоқот як қатор масоили муносибатҳои байниҳамдигарӣ, аз ҷумла сафарбаршавии академии донишҷӯён ва омӯзгорон, табодули таҷрибаи устодон тариқи маҷозӣ ва ҳузурӣ, иштирок дар конференсияҳо, симпозиумҳо, семинарҳо, лоиҳаҳои грантии муштарак ва дигар самтҳо мавриди муҳокима қарор гирифтанд.

Имрӯз намояндагони Донишгоҳи миллии Қазоқистон ба номи Ал-Форобӣ ва “Фонди АвруОсиё” бо роҳбарии Айдарбеков Зейнабил ба Донишгоҳи давлатии омӯзгории Тоҷикистон ба номи Садриддин Айнӣ ташриф оварданд.
Меҳмононро муовини ректор оид ба робитаҳои байналмилалӣ Қурбонзода Рухшона ва дигар шахсони масъул дар саҳни бинои асосӣ пешвоз гирифта, сипас аз осорхонаи ин даргоҳ дидан намуданд.
Ба воситаи экспозитсияи осорхона меҳмонон бо таъриху фарҳанги пурғановати миллати тоҷик, табиати зебои Тоҷикистон ва фаъолияту дастовардҳои нахустмактаби олии кишвар аз наздик шинос гардиданд.

Рӯзи 30-уми апрели соли 2025 дар ноҳияи И. Сомонӣ маросими қадрдонии иштирокчиёни даври ноҳиявии озмуни ҷумҳуриявии “Тоҷикистон – Ватани азизи ман” баргузор гардид.
Дар озмуни мазкур ду хонандаи Литсейи назди ДДОТ ба номи С. Айнӣ аз рӯйи номинатсияи “Сарояндагӣ” – Ғоибов Саидамин сазовори ҷойи дуюм ва Сафарова Бибиоиша сазовори ҷойи сеюм гардида, бо диплом ва мукофотпулӣ қадрдонӣ карда шуданд.
Ҳамчунин аз ҷониби роҳбарияти ноҳияи И. Сомонӣ роҳбари ҳаракати олимпии Литсейи назди ДДОТ ба номи С. Айнӣ Комрони Маҳмадкарим бо сипоснома сарфароз гардонида шуд.

Имрӯз тибқи нақшаи сафарбарнамоии донишҷӯёни факултетҳои Донишгоҳи давлатии омӯзгории Тоҷикистон ба номи Садриддин Айнӣ ба "Осорхонаи Донишгоҳ" як гуруҳ донишҷӯёни факултети забон ва адабиёти рус аз осорхона дидан намуданд.
Дар доираи сайри осорхонавӣ донишҷӯён бо дастовардҳои замони соҳибистиқлолӣ, табиати зебои Тоҷикистон, таъриху фарҳанги пурғановати миллати тоҷик ва фаъолияти пурсамари нахустмактаби олии кишвар ва дастовардҳои он солҳои охир бештар шинос гардиданд.

More...