ПЕШГИРИИ БЕМОРИҲОИ СИРОЯТӢ – ОМИЛИ ЯГОНАИ ТАРЗИ ҲАЁТИ СОЛИМ

6 декабри соли 2021 дар Донишгоҳи давлатии омӯзгории Тоҷикистон ба номи Садриддин Айнӣ бо ибтикори кафедраи биохимия ва генетикаи факултети биология бахшида ба Рӯзи байналмилалии мубориза бар зиди ВНМО семинари омӯзишӣ дар мавзуи “Пешгирии бемориҳои сироятӣ – омили ягонаи тарзи ҳаёти солим” баргузор гардид. Дар семинари мазкур мутахассисон аз МД Маркази тиббӣ-шаҳрии №2 Ҳаётхон Солиева ва Бегиҷон Амонов иштирок варзида, ба донишҷӯён роҳҳои асосии пешгирии бемориҳои сироятӣ, аз он ҷумла, ВНМО-ро шарҳу тавзеҳ доданд.

https://youtu.be/NpvIDT2zRa4

ҲУҚУҚУ ОЗОДИҲОИ ИНСОН ВА МЕХАНИЗМҲОИ МУАССИРИ ҲИФЗИ ОНҲО

8 декабри соли 2021 дар Донишгоҳи давлатии омӯзгории Тоҷикистон ба номи Садриддин Айнӣ бо ибтикори кафедраи ҳуқуқи факултети таърих бахшида ба рӯзи қабули “Эъломияи ҳуқуқи башар” конференсияи илмӣ-назариявии ҷумҳуриявӣ дар мавзуи “Ҳуқуқу озодиҳои инсон ва механизмҳои муассири ҳифзи онҳо” баргузор гардид. Конференсияи мазкурро муовини ректор оид ба корҳои илмӣ Акобир Мирзораҳимов ифтитоҳ бахшида, меҳмонон ва иштирокчиёнро ба ин даргоҳи илму таълим хушомадед намуд. Сипас, маърӯзачиён Ҳусайнов А., Буризода Э., Раҷабов С.,Меликов У., Давлатзода Ф. ва Назаров Д. баромад намуданд. Конференсия дар бахшҳо низ идома ёфта, омӯзгорону унвонҷӯён ва докторантон бо маърузаҳо баромад намуданд.

ДОНИШҶӮЁН АЗ ҲИЗБУ ҲАРАКАТҲОИ

ТЕРРОРИСТИИ ДАР ҚАЛАМРАВИ КИШВАР МАМНУЪ ОГОҲАНД

6-юми декабри соли 2021 дар толори Шӯрои олимони факултаи таҳсилоти ибтидоии Донишгоҳи давлатии омӯзгории Тоҷикистон ба номи Садриддин Айнӣ ҷаласаи васеъ дар мавзуи “Ҳизбу ҳаракатҳои террористиву экстремистии дар қаламрави кишвар мамнуъ” бо иштироки намояндаи Раёсати назорати иҷрои қонунҳо ва кор бо ҷавонону ноболиғони Прокуратураи генералии Ҷумҳурии Тоҷикистон баргузор гардид.

Дар ҷаласаи мазкур ректори донишгоҳ, профессор Нуъмонҷон Ғаффорӣ, прокурори Раёсати назорати иҷрои қонунҳо ва кор бо ҷавонону ноболиғони Прокуратураи генералии Ҷумҳурии Тоҷикистон, мушовири давлатии адлияи дараҷаи 3 Наботов Меҳроҷиддин, муовини ректор оид ба илм Акобир Мирзораҳимов, муовини ректор оид ба корҳои тарбиявӣ Ҷамила Мусоҷонзода, Раиси иттифоқи касабаи кормандону омӯзгорон Ҳобилҷон Зикирзода, деканони факултетҳо, муовинони декан оид ба корҳои тарбиявии факултетҳо, мудирони кафедраҳои умумидонишгоҳӣ ва дигар сохторҳои идории донишгоҳ ширкат намуданд.

ВОХӮРИИ СУДМАНД БО РАИСИ КОМИССИЯИ ОЛИИ

АТТЕСТАТСИОНИИ НАЗДИ ПРЕЗИДЕНТИ ҶУМҲУРИИ ТОҶИКИСТОН

26 ноябри соли 2021 раиси Комиссияи Олии Аттестатсионии назди Президенти Ҷумҳурии Тоҷикистон доктори илмҳои таърих, профессор Абдулҳаким Розиқзода ва намояндагони ин ниҳоди илмӣ Расул Маъруфӣ, Муҳаммадӣ Азизӣ ва Ҷӯрабой Шарифов ҷиҳати расонидани кӯмаки  машваратӣ ба олимону муҳаққиқон дар самти бурдани таҳқиқоти илмӣ ба ДДОТ ба номи Садриддин Айнӣ ташриф оварданд. Нахуст дар ҷаласаи машваратӣ ректори донишгоҳ профессор Нӯъмонҷон Ғаффорӣ суханронӣ намуда, роҷеъ ба фаъолияти назарраси КОА-и ватанӣ ва ҳамкории тарафайни донишгоҳ ҳарф зад.

Сегодня утром состоялось рабочее совещание с участием исполняющего обязанности председателя Горно-Бадахшанской автономной области Алишера Мирзонабота. В работе совещания приняли участие первый заместитель и заместители председателя автономной области, руководитель аппарата, руководители управлений и отделов аппарата председателя ГБАО, областных управлений и ведомств. Об этом НИАТ «Ховар» сообщил пресс-секретарь председателя ГБАО Голибшо Ниятбеков.

https://youtu.be/0_bj0OXyXhM