Ҷамъбасти озмуни мақолаи беҳтарин бахшида ба ҷашнҳои давлатӣ

Ҳафтаи равон дар донишгоҳ озмуни мақолаи беҳтарин бахшида ба Рӯзи Президенти Ҷумҳурии Тоҷикистон ва Иҷлосияи 16-уми Шӯрои Олӣ ҷамъбаст гардид. Тавре аз натиҷаҳои ҷамъбасти озмун бармеояд, ҷои якумро донишҷӯи курси чоруми факултети филологияи тоҷик Назиров Муҳаммадраҳим, ҷои дуюмро донишҷӯи курси чоруми факултети таърих Даминов Муҳаммад ва ҷои сеюмро донишҷӯи курси дуюми факултети химия Абдураҳмонов Абдулхайр ва донишҷӯи курси чоруми факултети технология ва иқтисодиёт Абдуллоев Умед сазовор гардиданд.

Конфронс: «Ҷавонон – муаррифгари давлату миллат»

Шуъбаи кор бо ҷавонон ва кумитаи иттифоқи касабаи донишҷӯён дар ҳамкорӣ бо бахши кор бо ҷавонон ва варзиши ноҳияи Исмоили Сомонӣ санаи 5-уми декабр дар толори Шӯрои олимони донишгоҳ конференсияи илмӣ-назариявӣ дар мавзӯи «Ҷавонон – муаррифгари давлату миллат» баргузор намуданд, ки дар он сардори раёсати кор бо ҷавонон ва варзиши шаҳри Душанбе Мирзозода Иброҳим, мудири бахши кор бо ҷавонон ва варзиши ноҳия Иброҳимзода Амир, омӯзгорони муассисаҳои олии касбии пойтахт ва муассисаҳои миёнаи умумии ҳудуди ноҳия иштирок намуданд.

Ҷавонон - дастгири ятимону маъюбон

Санаи 5-уми декабри соли ҷорӣ як гурӯҳ донишҷӯёни тоҷику туркман бо ташаббуси котиби шӯрои дифои донишгоҳ Розия Абдуллоева ба мактаб-интернати низомаш махсуси шаҳри Ҳисор ташриф оварданд. Донишҷӯён барои болидахотирии кӯдакони ятиму бепарастор ва маъюбони муассиса чорабинии фарҳангӣ ташкил намуданд, ки дар он Малоҳат Холиқова – мушовири Президенти Ҷумҳурии Тоҷикистон, Мавҷуда Холиқзода – муовини директори ШСКХ «Барқи тоҷик», Тошқул Намозов – мудири кафедраи тарбияи ҷисмонии донишгоҳ ва ҳайати тарбиятгирандагону кормандони муассиса ширкат доштанд.

Ҷисми солим – омили пешрафти таҳсили донишҷӯён

Бо мақсади баланд бардоштани маърифати оиладории духтарон ва ташвиқи тарзи ҳаёти солим, муҳокимаи фаъолияти омӯзишӣ, зисту зиндагонии донишҷӯдухтарон дар хобгоҳ ва риоя намудани тарзи либоспӯшӣ санаи 5-уми декабр бахши кор бо духтарону занон бо иштироки муовини ректор оид ба корҳои тарбиявии донишгоҳ Ҷамила Мусоҷонова ва табибони дармонгоҳи донишгоҳ Озода Камолова ва Роҳат Дадабоева бо донишҷӯдухтарон ва муаллимаҳои ҷавон тибқи дастурамал вохӯрии суманд гузарониданд.

Саломатии ҷомеа – гарави рушди неруи инсонӣ

Санаи 3-юми декабр дар толори калони бинои асосии донишгоҳ бо ташаббуси бахши кор бо духтарону занони факултети биология ва бахши кор бо духтарон ва занони донишгоҳ, шӯрои кураторон ва қисми тарбия таҳти унвони «Мубориза алайҳи бемории ВНМО» конференсияи илмӣ-амалӣ баргузор гардид, ки дар он намояндагони Ҷамъияти Салиби Сурх ва Ҳилоли Аҳмари Тоҷикистон ширкат варзиданд.

Баргузории викторина дар байни донишҷӯёни факултети таърих

Дар факултети таърих санаи 30-юми ноябр дар заминаи маҳфили “Ховаршинос” миёни донишҷӯёни курси якум викторина баргузор гардид. Маҳфилро  мудири кафедраи таърихи умумӣ С. Сайнаков оғоз намуда, иштирокчиёни маҳфилро доир ба марому манзалати маҳфил ва тарзи гузаронидани он  ошно намуд ва дар мавзӯи беҳтарин донандаи таърих ақидаҳои худро иброз кард. Роҳбари маҳфил Т. Наҷмиддинов доир ба тарзи гузаронидани викторина миёни донишҷӯён ибрози андеша намуда, хотиррасон сохт, ки ҳадаф аз баргузории маҳфилҳо баланд бардоштани ҳисси ватандӯстӣ, хештаншиносӣ ва дар замири онҳо бедор намудани ҳувияти миллӣ ва баланд бардоштани савияи дониши таърихӣ мебошад.

ҶАВОНОН – ПАЙРАВИ ПЕШВОИ МИЛЛАТ ВА ЗИДДИ БЕГОНАПАРАСТИЮ ТЕРРОРИЗМ

Зарур аст, ки минбаъд худи ҷавонон ташаббускори амалҳои созанда бошанд, дастовардҳои илмию эҷодии худро сари вақт муаррифӣ созанд, ба муқобили зуҳуроти номатлуб мубориза баранд, зиракии сиёсиро аз даст надода, дар ҳифзи ҷомеа ва давлат омода бошанд, таъриху фарҳанги халқамонро гиромӣ доранд ва барои ободию пешрафти минбаъдаи Ватани маҳбубамон саъю кӯшиш намоянд.

Эмомалӣ Раҳмон