ДАСТХАТҲО МЕРОСИ ПУРҚИМАТАНД

Аз 17-ум то 20-уми сентябри соли ҷорӣ дар донишгоҳ дар ҳамкорӣ бо Институти омӯзиши Осиёи Марказӣ (Фаронса) ҷамъомади навбатии Мактаби тобистонаи дастхатшиноси ҷавон баргузор гардид. Дар мактаб устодони шинохта ва дастхатшиносони маъруф аз Ҷумҳурии Тоҷикистон, Фаронса, Русия ва Қазоқистон ширкат доштанд. Тӯли чор рӯз 35 нафар олимони ҷавон, докторантҳо, магистрҳо, донишҷӯёни курсҳои болоии ДДОТ ба номи С. Айнӣ, Академияи илмҳои Ҷумҳурии Тоҷикистон ва ДМТ доир ба мероси хаттии Осиёи Марказӣ, роҳ ва усулҳои омӯзиши дастхатҳо дарс омӯхтанд ва бо намудҳои гуногуни дастхатҳо ошноӣ пайдо карданд.

САҲА – ПУШТИБОНИ ТЕРРОРИЗМ?

Созмони Амнияту Ҳамкории Аврупо, ки зоҳиран худро пуштибон ва таъминкунандаи волоияти ҳуқуқу озодиҳои инсон нишон медиҳад, дар асл дифоъкунанда аз гурӯҳҳои махсуси экстремистию террористие мебошад, ки бо ҷурми хиёнат ба ватан ва содир кардани амалҳои террористӣ дар кишварҳои гуногун ё маҳкум шудаанд ва ё дар ҷустуҷӯ қарор доранд.

СИЁСАТИ «ДУХӮРА» ХАТАР ДОРАД

Ба ҳамагон маълум аст, ки дар  Варшава шурӯъ аз 09.09.2018 ҷаласаҳо оид ба институтҳои демократӣ ва ҳуқуқи инсон баргузор шуда истодааст. Намояндагони Ҷумҳурии Тоҷикистон ба ин нишаст баъди таваққуфи яксола боз даъват шуда, бо роҳбарии муовини аввали вазири корҳои хориҷӣ иштирок намуданд. Дар ҳайати намояндагони расмии Ҳукумати Ҷумҳурии Тоҷикистон ду нафар аз собиқ аъзои ҳизби мамнӯи наҳзати ислом шомиланд.

МАҲКУМ НАМУДАНИ ТЕРРОРИЗМ - ЗАМИНАИ АМНИЯТУ СУБОТ

Иттиҳоди Аврупо ташкилоти бонуфузи ҷаҳонӣ маҳсуб ёфта, дар муносибатҳои геополитикии ҷаҳон нақши муҳим дорад. Вобаста ба ин, ҳар сол ҷаласаи Иттиҳоди Аврупо доир ба ҳифзи ҳуқуқу озодиҳии шаҳрвандон баргузор мегардад. Имсол ҷаласаи мазкур дар моҳи сентябр дар шаҳри Варшаваи Лаҳистон гузаронида шуда, ҳайати расмии аксари кишварҳо, аз ҷумла Ҷумҳурии Тоҷикистон даъват шуда буданд. Мутаассифона, ин дафъа низ намояндагони гурӯҳҳои мухолифин, махсусан, ҳизби террористию экстремистии наҳзати ислом, гурӯҳи 24 ва дигар гурӯҳҳои ифротӣ дар ин ҷаласа ҳузур пайдо намуданд.

БА ДУШМАНҲО НАШОЯД КАРД РАҲМАТ

Ҷаласаи Дафтари институти демократӣ ва ҳуқуқи инсони Созмони амният ва ҳамкории Аврупо (САҲА), ки ҳамасола  пиромуни баррасии иҷрои уҳдадориҳо оид ба андозагирии инсонӣ баргузор мешавад, имсол 10-уми сентябр дар пойтахти Полша – шаҳри Варшава оғоз гардид. Боиси таассуф аст, ки дар радифи намояндагони воломақоми мамолики ҷаҳон чанд тан аз террористону ифротгароён – хоинони миллату давлати тоҷикон, аз қабили Муҳиддин Кабирӣ, Вайсиддин Одинаев, Шоҳнаими Карим, Сулаймони Орзу низ дар ин нишаст ширкат намуданд.

ИШТИРОКИ ФАЪОЛОНАИ ДОНИШҶӮЁНУ ОМӮЗГОРОН ДАР ШАНБЕГИИ УМУМИНОҲИЯВӢ

Рӯзи 15-уми сентябр беш аз 150 нафар донишҷӯёну устодони Донишгоҳи давлатии омӯзгории Тоҷикистон ба номи С. Айнӣ дар шанбегии умумии ноҳияи Исмоили Сомонӣ ширкат намуданд.

ВОХӮРИИ ҚИСМИ ТАРБИЯИ ДОНИШГОҲ БО ДОНИШҶӮЁНИ СОЛИ АВВАЛ

Бо мақсади баланд бардоштани фарҳанги либоспӯшӣ ва худшиносии миллии донишҷӯён рӯзҳои 12-14 сентябри соли ҷорӣ дар толори бинои асосӣ вохӯрии масъулини Раёсати донишгоҳ бо муҳассилини курси якуми шуъбаи рӯзонаи факултетҳо баргузор гардид.