ИЛМУ МАОРИФ – САМТИ АФЗАЛИЯТНОК ДАР ПАЁМИ ПЕШВОИ МИЛЛАТ

11 феврали соли 2022 дар факултети химияи Донишгоҳи давлатии омӯзгории Тоҷикистон ба номи Садриддин Айнӣ  чорабинӣ доир ба шарҳу тавзеҳи  Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таҳти унвони “Илму маориф – самти афзалиятнок дар Паёми Пешвои миллат” баргузор гардид, ки дар он декани факултет Муҳаммадсалим Усмонов, мудири бахши магистратураи донишгоҳ Саодат Ахиева, мудири кафедраи умумидонишгоҳии  сиёсатшиносӣ Толиб Амиров, муовинони декан, мудирони кафедраҳои тахассусӣ, омӯзгорон ва донишҷӯёни факултет иштирок карданд.

РӮНАМОИ СИЛСИЛАКИТОБҲОИ “АХТАРОНИ АДАБ”

10 феврали соли 2022 дар Китобхонаи миллии Тоҷикистон маросими рӯнамои силсилакитобҳои “Ахтарони адаб” бо иштироки олимону адибон, намояндагони муассисаҳои фарҳангӣ ва ғайра баргузор шуд.   Инчунин, дар саҳни Китобхона намоиш - фурӯши силсилакитобҳои “Ахтарони адаб” ва китобҳои тозанашри нашриёти “Адиб” барои ҳаводорони ин силсилакитобҳо роҳандозӣ гардид.  Дар ин чорабинии муҳими фарҳангӣ устодону донишҷӯёни Донишгоҳи давлатии омӯзгории Тоҷикистон ба номи Садриддин Айнӣ низ иштирок намуданд.

КӮМАКИ ҶОПОН БАРОИ РУШДИ ТАҲСИЛОТИ ФАРОГИР ДАР ДДОТ БА НОМИ С. АЙНӢ

9 феврали соли 2022 маросими ҷамъбасти “Лоиҳаи таҳияи Барномаи таълимии курсҳои такмили ихтисоси омӯзгорон дар мактабҳои олӣ барои рушди таҳсилоти фарогир”, ки аз тарафи Ассотсиатсияи кӯмак ва дастгирии Ҷопон дар Донишгоҳи давлатии омӯзгории Тоҷикистон ба номи Садриддин Айнӣ татбиқ шуд, баргузор гардид. Дар чорабинии мазкур муовини якуми вазири маориф ва илми Ҷумҳурии Тоҷикистон Муҳаммаддовуд Саломиён, сафири фавқулода ва мухтори Ҷопон дар Тоҷикистон Тошиҳиро Айки, ҳамоҳангсози Барномаи Ассотсиатсияи кӯмак ва дастгирии Ҷопон дар Тоҷикистон Рейка Ҳорио, ректори донишгоҳ, профессор Нуъмонҷон Ғаффорӣ, раиси Иттифоқи миллии маъюбони Тоҷикистон Асадулло Зикрихудоев ва дигарон иштирок ва баромад намуданд.

ШАҲРАМОНРО БА ШАҲРИ “САБЗ” ТАБДИЛ МЕДИҲЕМ!

5 феврали  соли 2022 бо ибтикори факултети таҳсилоти томактабии Донишгоҳи давлатии омӯзгории Тоҷикистон ба номи Садриддин Айнӣ дар гирду атрофи донишгоҳ маъракаи ниҳолшинонӣ таҳти шиори “Шаҳрамонро ба шаҳри “Сабз” табдил медиҳем!” баргузор гардид. Дар ин маъракаи ниҳолшинонӣ намояндагони бахши кор бо ҷавонон ва варзиши ноҳияи Исмоили Сомонӣ, қисми тарбияи донишгоҳ ва садорати факултети таҳсилоти томактабӣ ширкат намуда, дар кабудизоркунии гирду атрофи донишгоҳ саҳми назарраси хешро гузоштанд.

ШАРҲУ ТАВЗЕҲИ ПАЁМИ ПЕШВОИ МИЛЛАТ ДАР ДДОТ БА НОМИ С. АЙНӢ

4 феврали соли 2022 дар Донишгоҳи давлатии омӯзгории Тоҷикистон ба номи Садриддин Айнӣ тибқи нақша-чорабиниҳои Раёсати кор бо ҷавонон ва варзиши шаҳри Душанбе бахшида ба шарҳу тавзеҳи Паёми Пешвои миллат муҳтарам Эмомалӣ Раҳмон чорабинӣ баргузор гардид. Дар чорабинии мазкур муовини ректор оид ба корҳои тарбиявӣ Мусоҷонзода Ҷамила Мансур, раиси суди ноҳияи Исмоили Сомонӣ Сангинзода Ғайрат, муовини сардори Раёсати кор бо ҷавонон ва варзиши шаҳри Душанбе Гулзода Маҳкам Ҷума, мудири бахши кор бо ҷавонон ва варзиши ноҳияи Исмоили Сомонӣ Нусратулло Маҳмудзода, устодон ва донишҷӯёни донишгоҳ иштирок намуданд.

БАРОИ ДАРЁФТИ ҶОИЗАИ ПРЕЗИДЕНТИ ҶУМҲУРИИ ТОҶИКИСТОН ДАР СОҲАИ МАОРИФ ДАР СОЛИ 2022 ОЗМУН ЭЪЛОН КАРДА ШУД

ДУШАНБЕ, 03.02.2022/АМИТ «Ховар»/. Вазорати маориф ва илми ҶТ барои дарёфти Ҷоизаи Президенти Ҷумҳурии Тоҷикистон дар соҳаи маориф дар соли 2022 озмун эълон намуд. Роҳбарони сарраёсату раёсат ва мудирони шуъбаву бахшҳои маорифи вилоятҳо ва шаҳру ноҳияҳо, муассисаҳои таҳсилоти миёна ва олии касбӣ номзадҳоро ҷиҳати иштирок дар озмун бояд то 18 марти соли равон ба вазорат пешниҳод намоянд.

ТАҶЛИЛИ ҶАШНИ САДА ДАР ДДОТ БА НОМИ С. АЙНӢ

"Сада дар баробари ҷашнҳои воқеан мардумии Наврӯз, Тиргон ва Меҳргон яке аз ойинҳои куҳантарини мардумони ориёитабор, аз ҷумла мо-тоҷикон буда, баъди гузашти асрҳои зиёд дар даврони соҳибистиқлолии Тоҷикистон аз нав эҳё гардид."

Пешвои миллат Эмомалӣ Раҳмон

2 феврали соли 2022 дар Донишгоҳи давлатии омӯзгории Тоҷикистон ба номи Садриддин Айнӣ ҷашни Сада бо шукӯҳу шаҳомати хоса таҷлил гардид. Дар ҷашн аҳли раёсати донишгоҳ, меҳмонон аз Кумитаи иҷроияи ҲХДТ дар шаҳри Душанбе, Иттифоқи ҷавонони Тоҷикистон, Расёсати кор бо ҷавонон ва варзиши ш. Душанбе, Мақомоти иҷроияи ҳокимияти давлатии  ноҳияи И. Сомонӣ иштирок намуданд.

КОНФЕРЕНСИЯИ ИЛМӢ-АМАЛӢ ДОИР БА ПСИХОЛОГИЯ

02 феврали соли 2022 дар Донишгоҳи давлатии омӯзгории Тоҷикистон ба номи Садриддин Айнӣ бо ибтикори кафедраи психологияи иҷтимоӣ ва муносибатҳои оилавии факутети психология ва таҳсилоти фарогир конференсияи илмӣ-амалӣ дар мавзӯи “Нақши ниҳодҳои иҷтимоӣ дар таъмини солимии психологии насли ояндасоз” баргузор гардид.