Паёми табрикии ректори Донишгоҳи давлатии омӯзгории Тоҷикистон ба номи Садриддин Айнӣ Нуъмонҷон ҒАФФОРӢ ба ифтихори ҷашни Наврӯзи байналмилалӣ

НАВРӮЗ ИМСОЛ ФАЙЗИ ТОЗА ОРАД!

Муҳтарам устодон!

Донишҷӯёни азиз!

Дар диёри биҳиштосои мо, Тоҷикистони тозаистиқлол, чун ҳамеша боз фасли баҳор, фасли фархунда, эҳёи оламу одам ва бедории табиати афсункор домони фарохи саодатбори худро густурда, ҷашни бостонии аҷдодиа­монро, ҷашнеро, ки имрӯз эътирофи ҷаҳонӣ дарёфтаву Наврӯз ном дорад, ба сарза­мини куҳанбунёди мо овард.

Наврӯзи ҷаҳонии моро аҳли таҳқиқ сароғози офари­ниш, маншаи ҳаёт хондаанд. Аз забони ниёкони сухангу­старамон бигӯем:

Баҳор имсол хуштар менамояд,

Ҷаҳон фирдавси дигар менамояд.

БОЗДИД АЗ НАМОИШИ “ТОҶИКИСТОН – КИШВАРИ ДАРЁҲОИ ТИЛЛОӢ”

17 марти соли 2022 раёсат ва ҳайати профессорону устодони Донишгоҳи давлатии омӯзгории Тоҷикистон ба номи Садриддин Айнӣ аз намоиши “Тоҷикистон – кишвари дарёҳои тиллоӣ”, ки дар Осорхонаи миллии Тоҷикистон ташкил карда шудааст, дидан карданд. Дар намоиши мазкур ёдгориҳои нодири таъриху тамаддуни халқи тоҷик, ки дар Осорхонаи ҳунарҳои миллии Осиё “Гиме”-и Фаронса аз 13 октябри соли 2021 то 10 январи соли 2022 муаррифӣ гардида буданд, ба маърази тамошобинон гузошта шудаанд. Дар рафти боздид аз намоиш намояндагони сохторњои гуногуни донишгоњ дар бораи таъриху тамаддуни халқу миллати худ маълумотҳои тоза гирифтанд.

ОЗМУНИ “КАДБОНУИ БЕҲТАРИН” БАРГУЗОР ГАРДИД!

17 марти соли 2022 дар толори Донишгоҳи давлатии омӯзгории Тоҷикистон ба номи Садриддин Айнӣ ҷиҳати дар сатҳи баланд пешвоз гирифтани ҷашни Наврӯзи байналмилалӣ озмуни “Кадбонуи беҳтарин” баргузор гардид. Дар ин озмун муовини раиси ноҳияи Исмоили Сомонии шаҳри Душанбе Шарифзода Наргис, мудири Бахши кор бо занон ва оилаи ноҳияи Исмоили Сомонӣ Аминзода Манижабону, муовини ректор оид ба корҳои тарбиявӣ Мусоҷонзода Ҷамила ва устодону донишҷӯёни донишгоҳ ширкат варзиданд. Дар фарҷом ба ғолибон ва иштирокчиёни фаъоли озмун ифтихорномаву туҳфаҳои хотиравӣ тақдим карда шуд.

МАҶЛИСИ ШУРОИ МАРКАЗИИ ТАШКИЛОТИ ҶАМЪИЯТИИ ҶАВОНОН “СОЗАНДАГОНИ ВАТАН” БАРГУЗОР ГАРДИД

17 марти соли 2022 дар Донишгоҳи давлатии омӯзгории Тоҷикистон ба номи Садриддин Айнӣ маҷлиси Шурои марказии ташкилоти ҷамъиятии ҷавонон “СОЗАНДАГОНИ ВАТАН” баргузор гардид. Дар кори он муовини раиси ҲХДТ Латифзода Асрор Қурбон, раиси ташкилоти ҷамъятии ҷавонон “СОЗАНДАГОНИ ВАТАН” Аҳмадзода Оятулло Изатулло, раиси Кумитаи иҷроияи ҲХДТ дар шаҳри Душанбе Мирзозода Иброҳим Холмурод, муовини директори Агентии хизмати давлатии назди Президенти Ҷумҳурии Тоҷикистон Аҳмадзода Дилноза Давроналӣ, ректори Донишгоҳи давлатии омӯзгории Тоҷикистон ба номи Садриддин Айнӣ Ғаффорӣ Нӯъмонҷон Усмонзода, аъзои Шурои марказӣ, роҳбарони намояндагиҳои ташкилот дар вилоятҳо, шаҳри Душанбе ва шаҳру ноҳияҳои тобеи ҷумҳурӣ ширкат намуданд.

АҶАБ НАКҲАТЕ ДОРАД НАВРӮЗ

17 марти соли 2022 дар факултети забонҳои романӣ-германии Донишгоҳи давлатии омӯзгории Тоҷикистон ба номи Садриддин Айнӣ бахшида ба ҷашни Наврӯз чорабинии фарҳангӣ-фароғатӣ баргузор гардид. Сараввал профессори кафедраи забони олмонӣ Хайрулло Сайфуллоев ҳозиринро бо фарорасии Наврӯз табрик намуд. Сипас, барномаи фарҳангӣ-фароғатӣ, ки аз тарафи донишҷӯёни соли панҷум ташкил шуда буд, пешкашӣ ҳозирин  карда шуд. Барнома аз намиошӣ либосҳои миллӣ, мусобиқаҳои варзишӣ, рақсу суруд иборат буд.

МУЛОҚОТИ СУДМАНД ҶИҲАТИ ГУСТАРИШИ РОБИТАҲОИ БАЙНАЛМИЛАЛӢ

16 марти соли 2022 атташеи Фаронса оид ба ҳамкорӣ дар соҳаи маориф Серж Беллини ва атташеи фарҳангии сафорати Фаронса дар Тоҷикистон Эва Тозйе ба Донишгоҳи давлатии омӯзгории Тоҷикистон ба номи Садриддин Айнӣ ташриф оварда, бо муовини ректор оид ба робитаҳои байналмилаӣ Аъзам Байдуллоев, декани факултети забонҳои романӣ-германӣ Зарина Сайфуллоева ва мудири кафедраи забони фаронсавӣ Султонзода Соқӣ Аслон мулоқот карданд.

ОЗМУНҲОИ “БЕҲТАРИН ХОНИ НАВРӮЗӢ” ВА “РӮЗНОМАИ ДЕВОРИИ БЕҲТАРИН” БАРГУЗОР ГАРДИД!

16 марти соли 2022 дар факултети психология ва таҳсилоти фарогири Донишгоҳи давлатии омӯзгории Тоҷикистон ба номи Садриддин Айнӣ миёни донишҷӯёни курсҳои 1-4-уми факултет озмун зери унвони “Беҳтарин хони Наврӯзӣ” ва “Рӯзномаи девории беҳтарин” баргузор гардид. Мавриди зикр аст, ки қисми аввали озмун бо тақдими медали “90-солагии ДДОТ ба номи С.Айнӣ” ба мудирони кафедраҳои факултет Ёрмаҳмад Тӯраев ва Раҷабгул Рамазонова аз ҷониби раиси Кумитаи иттифоқи касабаи устодону кормандони донишгоҳ Зикирзода Ҳобилҷон ва декани факултет Мадина Дадобоева сурат гирифт.

ВОХӮРӢ БО КОРМАНДОНИ СОҲАИ ТИБ

Тибқи банди 5-и Нақшаи чорабиниҳои Вазорати маориф ва илми Ҷумҳурии Тоҷикистон оид ба иҷрои қарори Ҳукумати Ҷумҳурии Тоҷикистон аз 27 майи соли  2020, № 292 “Дар бораи Барномаи миллии коммуникатсионии 1000 рӯзи аввали ҳаёти кӯдак дар Ҷумҳурии Тоҷикистон  барои солҳои 2020-2024” рӯзи 15 марти соли 2022 дар Донишгоҳи давлатии омӯзгории Тоҷикистон ба номи Садриддин Айнӣ вохӯрӣ бо намояндагони соҳаи тиб баргузор гардид.