ДАСТОВАРДИ ДОНИШҶӮИ ДДОТ БА НОМИ С. АЙНӢ ДАР ОЛИМПИАДАИ БАЙНАЛМИЛАЛӢ

29-30 марти соли 2022 олимпиадаи байналмилалӣ аз фанни физика бахшида ба гиромидошти олими бузург Абӯалӣ Ибни Сино баргузор гардид, ки дар он донишҷӯёни Федератсияи Русия, Ҷумҳурии Ӯзбекистон, Ҷумҳурии Қазоқистон, Ҷумҳурии Исломии Афғонистон ва Ҷумҳурии Тоҷикистон иштирок карданд. Аз ҷумла аз Донишгоҳи давлатии омӯзгории Тоҷикистон ба номи Садриддин Айнӣ чор нафар донишҷӯ ширкат варзиданд.

ДОНИШГОҲИ МО ДАР АРСАИ БАЙНАЛХАЛКӢ

Донишгоҳи давлатии омӯзгории Тоҷикистон ба номи Садриддин Айнӣ узви вобастаи Шурои ҷамъиятии Донишгоҳи давлатии омӯзгории Москва (ДДОМ) – ташкилоти базавии Иттиҳоди Давлатҳои Мустақил оид ба омода намудани кадрҳои педагогӣ мебошад, ки ба ҳайати он донишгоҳҳои пешқадами омӯзгории ИДМ шомиланд. Ҷиҳати татбиқи чорабиниҳои Шурои ҷамъиятии ДДОМ, Маркази байналмилалии таҳсилоти омӯзгорӣ (МБТО), лоиҳаҳои муштараки (байналмилалӣ)-и тадқиқотӣ, дар назди шуъбаи робитаҳои байналмилали ДДОТ ба номи С. Айнӣ «Маркази рушди таҳсилоти муттасил ва педагогикаи ҷаҳон» таъсис дода шуд, ки аз моҳи март инҷониб фаъолият дорад.

ХАМКОРИИ ДУҶОНИБА РАВНАҚ МЕЁБАД

28 марти соли 2022  намояндагони Донишгоҳи давлатии Пскови Федератсияи Россия Серова Олга Александровна – муовини ректор оид ба таълим, доктори илмҳои ҳуқуқ, Савриев Игор Евгеневич – ҳамоҳангсози робитаҳо миёни ДДП ва Ҷумҳурии Тоҷикистон, Лобаров Дмитрий Сергеевич –котиби масъули комиссияи қабули ДДП ба Донишгоҳи давлатии омӯзгории Тоҷикистон ба номи Садриддин Айнӣ ташриф оварда, бо муовини ректор оид ба робитаҳои байналмилаӣ Аъзам Байдуллоев, Бахтовар Карабаев – директори маркази таҳсилоти муттасил педагогикаи ҷаҳон ва Ғайрат Шакарбеков – мудири шуъбаи робитаҳои байналмилалӣ  мулоқот карданд.

ТАНТАНАИ  НАВРӮЗӢ ДАР ДОНИШГОҲ

19-уми марти соли 2022 бахшида ба ҷашни байналмилалии Наврӯз дар Донишгоҳи давлатии омӯзгории Тоҷикистон ба номи Садриддин Айнӣ чорабинии фарҳангӣ-фароғатӣ бо иштироки аҳли раёсат, устодону донишҷӯён ва меҳмонон баргузор гардид. Чорабиниро ректори донишгоҳ профессор Нӯъмонҷон Ғаффорӣ ҳусни оғоз бахшида, кулли ҳозиринро бо фаро расидани ин ҷашни миллии тоҷикон табрику муборакбод намуд. Сипас, сарояндагон аз ансамблҳои “Шашмақом”, “Дарё”, “Фалак”-и Кумитаи телевизион ва радиои назди Ҳукумати Ҷумҳурии Тоҷикистон ва ансамбли “Чеҳранамо” – и донишгоҳ барномаи фарҳангии бошукӯҳеро пешкаши ҳозирин гардониданд.

НАВРӮЗ ВА ТАЪРИХИ ҶАШНҲОИ ОРИЁӢ

ШОҲНАЗАР Бердизода, номзади илмҳои фалсафа, мудири кафедраи фалсафаи ДДОТ ба номи С. Айнӣ

Дар таърихи тамаддуни башарият ҷашнвораеро ба мисли Наврӯз пайдо намудан кори муҳол мебошад. Наврӯз аз замонҳои хело қадим падид омада, то ба имрӯз асолати пойдору устувори худро ҳифз намудааст. Наврӯз аз бостонитарин ҷашнҳои миллии қавмҳои ориёист, ки то рӯзгори имрӯзаи мо пойдор ва бегазанд мондааст.

Муҳаққиқони асили илму таъриху фарҳанг хуб медонанд, ки ҷомеаи инсонӣ дар тӯлӣ таърих таҳаввулотҳои зиёдеро аз сар мегузаронанд. Давлатҳои гуногуни дунё дар давраи салтанаташон ҳамзамон ҷашнҳои зиёди бошукӯҳу шаҳомат доир мекунанд, аммо бо гузашти вақт ин ҷашнҳо манзалати худро аз даст дода, аз байн мераванд. Аз ин рӯ  ҷашнҳои дар таърихномаҳо боқимонда бештар хусусияти сиёсӣ ва идеологӣ дошта аз арзишҳои умумибашарӣ холӣ буданд.

ШАБИ ЭҶОДӢ ДАР ИТТИФОҚИ НАВИСАНДАГОН

18 марти соли 2022 дар толори Иттифоқи нависандагони Тоҷикистон ба номи Мирзо Турсунзода ба ифтихори Наврўзи байналмилалї шаби эҷодии мудири шуъбаи табъу нашри Донишгоҳи давлатии омӯзгории Тоҷикистон ба номи Садриддин Айнӣ, шоир ва адабиётшинос Абдуљаббори Суруш баргузор гардид. Дар маҳфил адибон ва олимони варзидаи кишвар, устодону донишҷӯёни донишгоҳ ширкат варзиданд. Дар идомаи шоми шеъру адаб шоир Суруш ашъори тозаэҷоди худро манзури њозирин гардонид. Иштирок ва баромади  устодони санъати тоҷик Баҳрулло Абдуллоев, Орзугул Хӯҷамова, Алишери Қаноатзода ва Гулпарӣ Орифзода ба маҳфил сафо ва файзи хосае бахшид.

ТАНТАНАҲОИ НАВРӮЗӢ ДАР ФАКУЛТЕТҲОИ ДОНИШГОҲ

Бо оғоз шудани фасли баҳор ҷашни Наврӯз ҳам фаро мерасад. Ҷашни Наврӯз яке аз ҷашнҳои миллӣ ва қадимии халқи тоҷик ба шумор рафта, тибқи бархе ривоятҳо аз замони шоҳ Ҷамшед ба мо ба мерос мондааст ва ҳамасола мо ин ҷашни ҳамакнун байналмилалиро дар айёми баҳорон ва бедоршавии табиат таҷлил менамоем. Ҳамин тавр, имсол низ санаи 18 март дар як қатор факултетҳои Донишгоҳи давлатии омӯзгории Тоҷикистон ба номи Садриддин Айнӣ ҷашни Наврӯз бо шукӯҳу тантанаи хосса мавриди истиқбол қарор гирифт.

Паёми табрикии ректори Донишгоҳи давлатии омӯзгории Тоҷикистон ба номи Садриддин Айнӣ Нуъмонҷон ҒАФФОРӢ ба ифтихори ҷашни Наврӯзи байналмилалӣ

НАВРӮЗ ИМСОЛ ФАЙЗИ ТОЗА ОРАД!

Муҳтарам устодон!

Донишҷӯёни азиз!

Дар диёри биҳиштосои мо, Тоҷикистони тозаистиқлол, чун ҳамеша боз фасли баҳор, фасли фархунда, эҳёи оламу одам ва бедории табиати афсункор домони фарохи саодатбори худро густурда, ҷашни бостонии аҷдодиа­монро, ҷашнеро, ки имрӯз эътирофи ҷаҳонӣ дарёфтаву Наврӯз ном дорад, ба сарза­мини куҳанбунёди мо овард.

Наврӯзи ҷаҳонии моро аҳли таҳқиқ сароғози офари­ниш, маншаи ҳаёт хондаанд. Аз забони ниёкони сухангу­старамон бигӯем:

Баҳор имсол хуштар менамояд,

Ҷаҳон фирдавси дигар менамояд.