Декани факултети биологияи Донишгоҳи давлатии омӯзгории Тоҷикистон ба номи Садриддин Айнӣ Раҳматулло Рауфов Негматович дар озмуни байналмилалии тадқиқотӣ миёни муассисаҳои илмӣ ва педагогӣ таҳти унвони «Беҳтарин дар соҳаи маориф» иштирок намуда, бо дастовардҳои назарраси илмӣ-педагогии худ сазовори Дипломи дараҷаи I гардид.

Озмуни мазкур аз ҷониби Маркази байналмилалии тадқиқотии «Endless Light in Science» баргузор шуда, дар он намояндагони муассисаҳои илмӣ ва таълимии як қатор кишварҳо иштирок намуданд. Натиҷаҳои озмун дар шаҳри Остонаи Ҷумҳурии Қазоқистон ҷамъбаст ва эълон гардиданд.

Зимни ҷамъбасти озмун, Раҳматулло Рауфов Негматович ҳамчунин бо нишони фахрӣ ва медали озмун қадрдонӣ шуда, саҳми ӯ дар рушди илм ва маориф баҳои баланд гирифт.

Бо мақсади фароҳам овардани шароити мусоиди ҳаракат ва таъмини бехатарии донишҷӯён, устодону кормандон, инчунин нигоҳдории муҳити зист, дар ҳудуди Донишгоҳ корҳои тозаю озода намудани роҳравҳо ва гирду атрофи дарахтон аз барф ба роҳ монда шуд.

Дар рафти ин иқдом роҳравҳои асосӣ, саҳни биноҳо ва дарахтони сабз аз барф поксозӣ гардида, ба тоза нигоҳ доштани муҳити таълимӣ ва ҳифзи дарахтон таваҷҷуҳи махсус зоҳир шуд. Ин чорабинӣ бо иштироки кормандон, омӯзгорон ва донишҷӯён анҷом ёфт.

Раёсати Донишгоҳ ҳамеша барои муҳайё намудани шароити мусоиди таҳсилу фаъолият ва ҳифзи муҳити зист тадбирҳои заруриро роҳандозӣ менамояд.

Имрӯз дар Донишгоҳи давлатии омӯзгории Тоҷикистон ба номи Садриддин Айнӣ таҳти раёсати ректори донишгоҳ Аҳлиддин Ибодуллозода ҷаласаи корӣ баргузор гардид.

Дар кори ҷаласа муовинони ректор, деканҳои факултетҳо ва муовинони онҳо, мудирони кафедраҳо, сардорони раёсату шуъбаҳо ва дигар сохторҳои донишгоҳ иштирок намуданд.

Имрӯз дар Донишгоҳи давлатии омӯзгории Тоҷикистон ба номи Садриддин Айнӣ ҳунармандони Театри давлатии «Ҷавонон» ба номи Маҳмудҷон Воҳидов намоишномаи театрии «Хизмати ҳарбӣ»-ро пешниҳоди аҳли раёсат, омӯзгорон ва кормандони Донишгоҳ гардониданд.

Имрӯз дар Донишгоҳи давлатии омӯзгории Тоҷикистон ба номи С. Айнӣ қабули шаҳрвандон баргузор шуд, ки дар он ариза ва дархостҳои шаҳрвандону донишҷӯён аз ҷониби ректор Аҳлиддин Ибодуллозода дар доираи қонун ва тибқи тартиб баррасӣ гардиданд

Рӯзи 19.01.2026 ректори Донишгоҳи давлатии омӯзгории Тоҷикистон ба номи Садриддин Айнӣ Аҳлиддин Ибодуллозода бо иштироки муовинони ректор, сардорони раёсатҳо, деканони факултетҳо ва мудирони шуъбаву бахшҳо ҷаласаи назоратӣ баргузор намуданд.

Дар ҷаласа як қатор масъалаҳои марбут ба таълим, тарбия, илм ва робитаҳои байналмилалии муассиса мавриди баррасӣ қарор дода шуданд.

Рӯзи 16-уми январи соли равон дар факултети биологияи Донишгоҳи давлатии омӯзгории Тоҷикистон ба номи Садриддин Айнӣ тибқи нақшаи тасдиқгардида конференсияи ҷумҳуриявии илмӣ-амалӣ баргузор гардид.

Конференсия бахшида ба 35-солагии Истиқлоли давлатии Ҷумҳурии Тоҷикистон, 95-солагии ДДОТ ба номи С. Айнӣ ва татбиқи барномаи давлатии «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» доир шуд.

Чорабинии илмӣ таҳти унвонҳои «Тағйирёбии иқлим ва таъсири он ба рушди гуногунии биологӣ» ва «Муносибати босалоҳият зимни омӯзиши илмҳои табиатшиносӣ: воқеият ва имкониятҳо дар шароити татбиқ дар муассисаҳои таҳсилоти миёнаи умумӣ ва олии касбӣ» баргузор гардид.

Субҳи имрӯз аҳли кормандон, омӯзгорон ва донишҷӯёни Донишгоҳ саҳн, роҳравҳо ва дарахтони дохил ва гирду атрофи муассисаро аз барф тоза намуда, ба ин восита дарахтон аз шикастан эмин нигоҳ дошта шуда, ба рафту омади донишҷӯёну сокинони пойтахт шароити мусоид фароҳам оварда шуд.