Чорабинии тантанавӣ бахшида ба чакан ва анҷоми Соли рушди сайёҳӣ ва ҳунарҳои мардумӣ

Дар донишгоҳ санаи 22-юми декабр ба шарафи дар Соли рушди сайёҳӣ ва ҳунарҳои мардумӣ ба феҳристи мероси ғайримоддии фарҳангии башарият шомил шудани чакан  чорабинии тантанавии ҷашнӣ баргузор гардид. Дар чорабинии ҷашнӣ, ки бо ширкати васеи устодону донишҷӯён ва меҳмонон идома ёфт, намоиши ҳунарҳои мардумӣ ва барномаи фарҳангӣ ба маърази тамошо гузошта шуд.

Маҳфили илмию адабӣ бахшида ба гиромидошти Сайидои Насафӣ

Дар толори факултети филологияи тоҷик санаи 20-уми декабр ба муносибати 400-солагии суханвари бузурги тоҷик Миробид Сайидои Насафӣ маҳфили илмию адабӣ таҳти унвони “Мақоми Сайидои Насафӣ дар шеъру адаби тоҷик” баргузор шуд. Дар чорабинӣ устодону донишҷӯён ширкат намуда, оид ба ҳаёт ва эҷодиёти шоир маърӯзаҳо шунида шуд ва барномаи адабӣ бо қироати шеърҳо аз сурудаҳои шоир пешкаш гардид.

Намоиши филми «Марди роҳ» дар донишгоҳ

Санаи 19-уми декабр дар толори калони бинои асосии донишгоҳ филми ҳуҷҷатии “Марди роҳ” манзури донишҷӯёну устодон гардонида шуд. Дар ин филм кору фаъолияти созанда ва хастанопазири Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тасвир ёфтааст.

ФАРОГИРИИ ОМӮЗГОРОНИ ДОНИШГОҲ БА ТАКМИЛИ ИХТИСОС

Дар доираи ҳамкориҳои дуҷонибаи байни Донишгоҳи давлатии омӯзгории Тоҷикистон ба номи Садриддин Айнӣ ва Донишгоҳи давлатии омӯзгории Баларус ба номи Максим Танк беш аз 25 нафар омӯзгорони донишгоҳ ба такмили ихтисос аз рӯи барномаи таълимии “Омӯзиши фишурда: усули ташкили раванди таълим” фаро гирифта шуданд. Барномаи мазкур дар донишгоҳ 17-уми декабр оғоз ёфта, 36 соати таълимиро фаро мегирад.

Баргузории конфронс оид ба проблемаҳои таълими салоҳиятнок

Санаи 15-уми декабр дар толори Шӯрои олимони донишгоҳ конфронси ҷумҳуриявии илмӣ-амалӣ таҳти унвони “Проблемаҳои татбиқи муносибати босалоҳият дар таълими фанҳои табиӣ-риёзӣ ва технологияи информатсионӣ” оғоз ёфт. Дар ҷаласаи ифтитоҳии конфронси илмӣ-амалӣ, ки ба муносибати 30-солагии Истиқлолияти давлатии Ҷумҳурии Тоҷикистон баргузор шуд, олимону муҳаққиқони соҳа ва аспирантону донишҷӯён ширкат варзиданд.

Забон – пайвандгари тамаддунҳо

Бахшида ба Соли рушди сайёҳӣ ва ҳунарҳои мардумӣ бо ташаббуси кафедраи умумидонишгоҳии забонҳои хориҷӣ санаи 15-уми декабр дар толори калони бинои асосии донишгоҳ конфронси ҷумҳуриявии илмӣ-амалӣ таҳти унвони “Забон – пайвандгари тамаддунҳо” доир гардид. Ҷаласаи ифтитоҳии конфронсро муовини ректор оид ба робитаҳои байналмилалӣ А. Байдуллоев оғоз бахшида, дар он олимону муҳаққиқон аз Вазорати маориф ва илм, Академияи таҳсилоти Тоҷикистон ва Донишгоҳи миллии Тоҷикистон, аз ҷумла докторҳои илми педагогика С.Афғонов ва И.Каримова, доктори илми фалсафа Ф.Худойдодов ва мудири кафедраи забонҳои хориҷии донишгоҳ А.Умаров маърӯза намуданд.

Нақши занон дар ҷомеа муҳим дониста шуд

Ҳафтаи равон дар факултети забон ва адабиёти рус мизи мудаввар таҳти унвони «Нақши зан дар ҷомеаи имрӯза» баргузор гардид. Њадаф аз баргузории ҳамоиш таваҷҷуҳ ба баланд бардоштани ҳуқуқи занон дар ҷомеаи имрӯза дониста шуда, масъалаи мазкур ҳамчун яке аз мушкилоти мубрам диққати донишмандон ва муассисаҳои тадқиқотиро ба худ ҷалб карда, як мушкили бузурги гендерӣ дониста мешавад, - қайд карда шуд дар ифтитоҳи чорабинии илмию маърифатӣ.

Дарси кушод муваффақияти таҷрибаомӯзон аст

Дар кӯдакистони хусусии «Зарринтоҷ» бо иштироки таҷрибаомӯзони курсҳои 5-уми ихтисоси таҳсилоти томактабӣ-забони англисии факултети таҳсилоти томактабӣ ва ибтидоӣ санаи 7-уми декабри соли равон дарси кушоди ҷамъбастӣ аз фанни забони англисӣ баргузор шуд. Рафти дарс аз хондани шеърҳо, сурудҳо, ҳарфёбак, бозиҳои шавқовари нақшдор ва нақл аз рӯи расм бо забони англисӣ буд.