БАРГУЗОРИИ МАҲФИЛИ ҲОЗИРҶАВОБОН МИЁНИ
ДОНИШҶӮЁНИ ХОБГОҲҲОИ ДОНИШГОҲ

Бо ташаббуси шуъбаи кор бо ҷавонон дар ҳамкорӣ бо кумитаи иттифоқи касабаи донишҷӯёни донишгоҳ ҳафтаи равон бахшида ба Рӯзи Конститутсияи Ҷумҳурии Тоҷикистон ва Рӯзи Президенти Ҷумҳурии Тоҷикистон байни донишҷӯёни хобгоҳҳои № 2, 3, 6, 7 ва 8 чорабинии фарҳангӣ-фароѓатии ҳозирҷавобӣ дар толори бинои асосии донишгоҳ баргузор гардид.

РАФТИ БАРГУЗОРИИ ОЛИМПИАДА ДАР ДОНИШГОҲ

Бо мақсади баланд бардоштани шавқу ҳаваси донишҷӯён ба омӯзиши илмҳои муосир, ташаккули тафаккури илмӣ ва техникии онҳо, инчунин дарёфти донишҷӯёни лаёқатманд ҷиҳати ҷалби онҳо ба соҳаҳои илм санаи 08.11.2018 соати 14⁰⁰ даври якуми олимпиадаи аз рӯи ихтисосҳои фалсафа ва сиёсатшиносӣ баргузор гардид, ки дар он донишҷӯён аз факултеҳои таърих, забони англисӣ, математика, география, филологияи тоҷик, таҳсилоти томактабӣ ва  ибтидоӣ, психология ва таҳсилоти фарогир, фаъолона иштирок намуданд. Бояд қайд намуд, ки  рафти баргузории олимпиадаро камиссия дахлдор бо роҳбарии мудирони ҳарду кафедра, сардори Раёсати илм ва инноватсия Ҳакимов Р. ва сармутахассиси Раёсати илм ва инноватсия доир ба маҳфилҳо ва гурӯҳҳои олимпӣ Ҳамидов Б. зери назорати ҷиддӣ гирифтанд.

МУСОБИҚАИ ФУТБОЛИ ХУРД ДАР ДОНИШГОҲ АНҶОМ ЁФТ

Дар Донишгоҳи давлатии омӯзгории Тоҷикистон ба номи Садриддин Айнӣ дар доираи таҷлил аз ҷашнҳои муҳимми давлатӣ – Рӯзи Конститутсияи Ҷумҳурии Тоҷикистон,  Рӯзи Президент ва Рўзи Парчами давлатии кишвар аз санаи 10-уми октябр то 05-уми ноябри соли 2018 мусобиқаи варзишии футболи  хурд дар байни донишҷўёни факултетҳои донишгоҳ  баргузор гардид.

ТАҶЛИЛИ САЗОВОРИ РӮЗИ КОНСТИТУТСИЯ ДАР ДОНИШГОҲ

Дар Донишгоҳи давлатии омӯзгории Тоҷикистон ба номи Садриддин Айнӣ санаи 5-уми ноябри соли равон Рӯзи Конститутсияи Ҷумҳурии Тоҷикистон ба таври васеъ таҷлил гардид. Бо мақсади истиқболи сазовор аз ин санаи таърихӣ ва муқаддаси кишвари соҳибистиқлол чорабинии асосӣ дар толори калони бинои марказии донишгоҳ бо ширкати васеи устодону донишҷӯён ва меҳмонон баргузор шуд.

Нақши Конститутсияи Ҷумҳурии Тоҷикистон дар устувор намудани институтҳои таърихии давлатдории тоҷикон

Таҷлил аз солгарди 24-уми қабули Конститутсияи Ҷумҳурии Тоҷикистон барои ҳар як тоҷику тоҷикистонӣ мояи худшиносӣ ва ифтихор маҳсуб ёфта, рӯзи қабули он барои мо маънои лаҳзаи тақдири хешро бо дасти худ гирифтан, дарк намудани масъулияти давлатдории миллиро дорад, моро ба эҳё ва мавриди амал қарор додани падида ва ниҳодҳои давлатдории куҳанбунёди ориёӣ раҳнамун месозад.

ОҒОЗИ ОЛИМПИАДАИ ДОНИШГОҲИИ ДОНИШҶӮЁН

Раёсати илм ва инноватсия ҳамасола нақшаи баргузории олимпиадаи дохилиро дар асоси «Низомномаи олимпиадаи Донишгоҳи давлатии омӯзгории Тоҷикистон ба номи Садриддин Айнӣ»  тартиб дода, ба факултетҳо ва кафедраҳои умумидонишгоҳӣ дастрас менамояд. Дар факултетҳо ва кафедраҳои умумидонишгоҳӣ дастаҳои олимпӣ бо роҳбарии устодони ботаҷриба ташкил карда шуда, фаъолият мекунанд.
Тибқи ҷадвали тасдиқнамудаи раёсати илм ва инноватсия олимпиадаи донишгоҳии донишҷӯён дар соли таҳсили 2018-2019 аз рӯи ҳамаи ихтисосҳои дар донишгоҳ амалкунанда дар се давр аз 02.11.2018 то 26.04.2019 гузаронида мешавад.

ҲИМОЯИ РИСОЛАИ НОМЗАДӢ ДАР БАХШИ ИҚТИСОДИЁТ

Санаи 2-юми ноябри соли ҷорӣ устоди донишгоҳ  Рузиев Умед Шарафҷонович рисолаи илмии номзадии худро дар мавзӯи “Управление государственной собственностью в условиях рыночной трансформации экономики (на материалах Республики Таджикистан)” дар шӯрои диссертатсионии Институти иқтисодиёт ва демографияи Академияи илмҳои Ҷумҳурии Тоҷикистон таҳти роҳбарии доктори илмҳои иқтисодӣ, профессор Комилов С.Ҷ. ва номзади илмҳои иқтисодӣ Азизов Ш.С. бомуваффақият ҳимоя намуд.