Гиромидошти шахсиятҳои бузурги миллию фарҳангӣ аз иқдомҳои шоиставу пазирои Ҳукумати Ҷумҳурии Тоҷикистон, хоса сиёсати хирадмандонаи Пешвои муаззами миллат муҳтарам Эмомалӣ Раҳмон маҳсуб меёбад. Дар ин замина, кафедраи назария ва таърихи адабиёти тоҷики факултети филологияи ДДОТ ба номи С. Айнӣ маҳфили доимоамалкунандаи «Адибони ҷавон»-ро ба хотири зодрӯзи устодони зиндаёд Бозор Собир ва Сайф Раҳимзоди Афардӣ баргузор намуд. Бо ин мақсад, устодону донишҷӯёни аъзои маҳфил ба оромгоҳи Лучоб рафта, хотираи аҳли илму адабро пос доштанд.

Дар ҷараёни маҳфил донишҷӯён ва устодон суханронӣ намуда, аз рӯзгор, корнома ва мероси адабии Бозор Собир ва Сайф Раҳимзоди Афардӣ ёдовар шуданд ва хидматҳои арзандаи онҳоро дар рушди адабиёт ва тафаккури миллӣ бозгӯ карданд.

Санаи 19.11.2025 дар кафедраи умумидонишгоҳии фалсафа ва фарҳангшиносӣ ҳисоботи солона оид ба натиҷаи фаъолияти илмӣ-таҳқиқотии омӯзгорони кафедра баргузор гардид, ки дар он муовини ректор оид ба илм доктори илмҳои химия, профессор Раҷабзода С.И., котиби Шурои илмӣ-методии донишгоҳ Ҳамроев А., номзади илмҳои сиёсатшиносӣ, мудири кафедраи сиёсатшиносӣ Парвин Нуриддин ширкат варзида, суханронӣ намуданд.

Рӯзи 19.11.2025 дар кафедраи умумидонишгоҳии сиёсатшиносӣ ҳисоботи солона оид ба натиҷаи фаъолияти илмӣ-таҳқиқотии омӯзгорони кафедра баргузор гардид, ки дар он муовини ректор оид ба корҳои илмӣ, доктори илмҳои химия, профессор С.И. Раҷабзода, котиби шурои илмӣ-методии донишгоҳ А. Ҳамроев, мудири кафедра, номзади илмҳои сиёсӣ, дотсент П.Р. Нуриддин ва омӯзгорон ширкат варзида, суханронӣ намуданд.