Омӯзгори факултети биологияи Донишгоҳи давлатии омӯзгории Тоҷикистон ба номи Садриддин Айнӣ Хидиров Ғолибҷон дар озмуни байналмилалии тадқиқотӣ миёни муассисаҳои илмӣ ва педагогӣ таҳти унвони «Беҳтарин дар соҳаи маориф» иштирок намуда, бо дастовардҳои назарраси илмӣ-педагогии худ сазовори Дипломи дараҷаи I гардид.

Озмуни мазкур аз ҷониби Маркази байналмилалии тадқиқотии «Endless Light in Science» баргузор шуда, дар он намояндагони муассисаҳои илмӣ ва таълимии як қатор кишварҳо иштирок намуданд. Натиҷаҳои озмун дар шаҳри Остонаи Ҷумҳурии Қазоқистон ҷамъбаст ва эълон гардиданд.

Бо мақсади иҷрои дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати гирдоварӣ ва омӯзиши калимаю истилоҳоти шеваҳои забони тоҷикӣ китоби нави илмӣ-таҳқиқотӣ таҳти унвони «Фарҳанги ҳамгунҳои шеваи ҷанубии забони тоҷикӣ» аз ҷониби муҳаққиқон С. Раҳматуллозода ва Р. Холназариён таҳия ва ба нашр расид.

Дар суханрониҳо ва санадҳои меъёрӣ, аз ҷумла «Барномаи рушди забони давлатӣ барои солҳои 2020–2030» ба масъалаи омӯзиш ва ҳифзи ганҷинаи луғавии шеваҳои тоҷикӣ аҳаммияти махсус дода шудааст. Дар ҳамин замина таҳияи фарҳанги мазкур иқдоми муҳим дар роҳи омӯзиши лаҳҷаҳои забони тоҷикӣ арзёбӣ мегардад.

Фарҳанги номбурда беш аз 2300 калимаи ҳамгуни шеваи ҷанубии забони тоҷикиро дар бар гирифта, барои забоншиносон, омӯзгорон, донишҷӯён ва кулли ҳаводорони забон манбаи арзишманди илмӣ ба ҳисоб меравад. Муаллифон дар сарсухани китоб таъкид намудаанд, ки гарчанде то имрӯз доир ба шеваҳои забони тоҷикӣ асару мақолаҳои зиёд ба табъ расидаанд, омӯзиши ҳамаҷонибаи онҳо ҳанӯз анҷом наёфта, таҳқиқоти навро талаб мекунад.

Зимни сайри осорхонавӣ ба меҳмонон оид ба таъриху фарҳанги миллати тоҷик, табиати Тоҷикистон, инчунин марҳилаҳои рушд ва дастовардҳои Донишгоҳ аз рӯзҳои таъсисёбӣ то имрӯз маълумоти муфассал пешниҳод гардид.

Ба ин восита, меҳмонон бо нигораҳо, ҳуҷҷатҳои таърихӣ ва дастовардҳои илмию таълимии муассиса аз наздик шинос шуданд.

Конференсия ба 35-солагии Истиқлоли давлатии Ҷумҳурии Тоҷикистон ва 95-солагии Донишгоҳи давлатии омӯзгории Тоҷикистон ба номи Садриддин Айнӣ бахшида шудааст.

Имрӯз дар Донишгоҳи давлатии омӯзгории Тоҷикистон ба номи Садриддин Айнӣ ҳунармандони Театри давлатии «Ҷавонон» ба номи Маҳмудҷон Воҳидов намоишномаи театрии «Арӯси ҷанагара» (ё экстрасенс)-ро пешниҳоди аҳли раёсат, омӯзгорон, кормандон ва донишҷӯёни Донишгоҳ гардониданд.

Намоишнома дар таҳияи Ҳунарпешаи халқии Тоҷикистон, дорандаи Ҷоизаи давлатии Ҷумҳурии Тоҷикистон ба номи Абӯабдуллоҳи Рӯдакӣ Мирзоватан Мирзоев рӯйи саҳна оварда шуда, дар он масоили муҳими иҷтимоӣ, ахлоқӣ ва равонӣ бо забони ҳаҷвӣ ва таъсирбахш инъикос гардиданд.

Дар доираи татбиқи сиёсати байналмилалии таҳсилот ва густариши ҳамкориҳои байнидонишгоҳӣ 15 нафар донишҷӯёни Донишгоҳи давлатии омӯзгории Тоҷикистон ба номи Садриддин Айнӣ тибқи барномаи табодули академӣ барои идомаи таҳсил ба муассисаҳои таҳсилоти олии хориҷӣ сафарбар гардиданд. Ин иқдом бар асоси натиҷаҳои Форуми ректорони муассисаҳои таҳсилоти олии касбии кишварҳои Осиёи Марказӣ ва созишномаҳои амалкунандаи байнидонишгоҳӣ роҳандозӣ шудааст.