Рӯзи 29.12.2025 ректори Донишгоҳи давлатии омӯзгории Тоҷикистон ба номи Садриддин Айнӣ Аҳлиддин Ибодуллозода бо иштироки муовинони ректор, сардорони раёсатҳо, деканони факултетҳо ва мудирони шуъбаву бахшҳо ҷаласаи назоратӣ баргузор намуданд.

Дар ҷаласа як қатор масъалаҳои марбут ба таълим, тарбия, илм ва робитаҳои байналмилалии муассиса мавриди баррасӣ қарор дода шуданд.

Бо мақсади тарғиби тарзи ҳаёти солим ва ҷалби омӯзгорону донишҷӯёни Донишгоҳ ба варзиш ин субҳ машқи пагоҳирӯзӣ дар майдони Аҳмади Дониш баргузор карда шуд.

Ҳамин тавр, субҳи имрӯз дар чорабинии мазкур устодон ва донишҷӯён ширкат варзида, ба обутоби бадан машғул шуданд.

Дар соли 2025 ДДОТ ба номи С.Айнӣ дар “Раддабандии муассисаҳои олӣ” – (Higher Education Ranking)-и Шурои сифат ва арзёбии таҳсилоти олӣ – “HEQAC” миёни 422 муассисаи олии 55 кишвари ҷаҳон бо гирифтани 8136 хол ҷойи 8-умро сазовор гардид.

Дар соли 2025 дар Парки технологии донишгоҳ зиёда аз 5 ҳазор мизу курсиҳои гуногун, рафҳои оҳанин, ҷевон, рӯйпуш барои рахти хоб, хилати корӣ барои фаррошон ва ғайраҳо истеҳсол гардидааст.

Дар заминаи дастгириҳои пайваста ва сиёсати маорифпарваронаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ҷиҳати баланд бардоштани сатҳи иҷтимоии омӯзгорон ва такмили сифати раванди таълим, дар Донишгоҳи давлатии омӯзгории Тоҷикистон ба номи Садриддин Айнӣ тадбири муҳим амалӣ гардид.

Дар озмуни байналмилалии “Ҷоизаҳои таълимии Лондон” LEAP 2025, ки бо иштироки намояндагони беш аз 70 кишвари ҷаҳон баргузор гардид, сардори шуъбаи робитаҳои байналмилалии Донишгоҳи давлатии омӯзгории Тоҷикистон ба номи Садриддин Айнӣ Мубирхони Муминпур бо ҷоизаи “Мутахассиси муносибатҳои байналмилалии сол –2025” (International Relations Officer of the Year – 2025) сарфароз гардид.

Дар Донишгоҳи давлатии омӯзгории Тоҷикистон ба номи Садриддин Айнӣ ҷиҳати қадрдонӣ аз фаъолияти илмӣ ва дастовардҳои таълимии омӯзгорону донишҷӯён дар соли 2025 маблағи умумии 300 ҳазор сомонӣ ҷудо ва тақдим гардид.

Ин маблағ ба омӯзгороне тақдим карда шуд, ки тасдиқи рисолаҳои илмии худро дастрас намуданд; меъёри дарсҳои видеоро

Имрӯз дар Донишгоҳи давлатии омӯзгории Тоҷикистон ба номи Садриддин Айнӣ ҷаласаи навбатии Шурои олимони донишгоҳ бо иштироки ректор Аҳлиддин Ибодуллозода, муовинони ректор, сардорони раёсату шуъбаҳо, деканҳо, роҳбарони сохторҳо ва ҳайати профессорону омӯзгорон баргузор гардид.

Зимни ҷаласа ректори донишгоҳ Аҳлиддин Ибодуллозода оид ба фаъолияти донишгоҳ дар соли 2025 ҳисобот дода, соли сипаригардидаро барои ин даргоҳ соли дастовардҳо, бунёдкориҳо ва таҳкими робитаҳои байналмилалӣ арзёбӣ намуданд.