Имрӯз дар Донишгоҳи давлатии омӯзгории Тоҷикистон ба номи Садриддин Айнӣ бо иштироки ҳунармандони Театри давлатии «Ҷавонон» ба номи Маҳмудҷон Воҳидов намоишномаи театрии «Ашки хунии модар» манзури аҳли раёсат, омӯзгорон, кормандон ва донишҷӯёни муассиса гардонида шуд.

Рӯзи 17.02.2026 дар Донишгоҳи давлатии омӯзгории Тоҷикистон ба номи С. Айнӣ қабули шаҳрвандон баргузор шуд, ки дар он ариза ва дархостҳои шаҳрвандону донишҷӯён аз ҷониби ректор Аҳлиддин Ибодуллозода дар доираи қонун ва тибқи тартиб баррасӣ гардиданд.

Дар кори ҳамоиш муовини ректор оид ба корҳои илмӣ, доктори илмҳои химия, профессор С. Раҷабзода, муовини декан оид ба илм С. Зубайдуллозода, мудирони кафедраҳо, аз ҷумла н.и.т., дотсентон С. Сайнаков, Ё. Исмоилов, ҳамчунин устодон А. Мусоев, Р. Давлатшоев, Д. Маҳмудов, Ш. Ҷонмуродов, Х. Қодирзода, Б. Ризолев ва донишҷӯён иштирок намуданд.

Ба наздикӣ дар заминаи Парки технологии Донишгоҳи давлатии омӯзгории Тоҷикистон ба номи Садриддин Айнӣ корхонаи хурди истеҳсоли моеъҳои шӯянда ва косметологӣ ба фаъолият оғоз менамояд. Айни замон корҳои сохтмонӣ бо суръати баланд ҷараён дошта, дар марҳилаи анҷомёбӣ қарор доранд.

Корхонаи мазкур бо мақсади роҳандозии истеҳсоли маҳсулоти ватанӣ таъсис ёфта, иқтидори истеҳсоли зиёда аз 50 намуди маводи шустушӯиро доро мебошад. Дар доираи фаъолияти он истеҳсоли маводи шустушӯи зарфҳо (феррӣ), собун, маводи шустушӯи мӯй (шампун), антифриз ва дигар моеъҳои таъиноти маишӣ ва техникӣ ба роҳ монда мешавад.

Рӯзи 16.02.2026 ректори Донишгоҳи давлатии омӯзгории Тоҷикистон ба номи Садриддин Айнӣ Аҳлиддин Ибодуллозода бо иштироки муовинони ректор, сардорони раёсатҳо, деканони факултетҳо ва мудирони шуъбаву бахшҳо ҷаласаи назоратӣ баргузор намуданд.

Дар ҷаласа як қатор масъалаҳои марбут ба таълим, тарбия, илм ва робитаҳои байналмилалии муассиса мавриди баррасӣ қарор дода шуданд.

Дар заминаи дастуру супоришҳои пайвастаи Пешвои миллат муҳтарам Эмомалӣ Раҳмон ҷиҳати ободонии муҳити зист, сабзгардонии маҳал ва беҳдошти вазъи экологӣ, дар боғи «Агробиолабораторӣ»-и минтақаи Ромит, тибқи дастури ректори Донишгоҳ Аҳлиддин Ибодуллозода маъракаи ниҳолшинонӣ баргузор гардид.

Имрӯз дар боғи "Агробиолабораторӣ" воқеъ дар минтақаи Ромит, дар заминаи дастури ректори Донишгоҳ Аҳлиддин Ибодуллозода маъракаи ниҳолшинонӣ баргузор гардид.

Ба тозагӣ китоби «Таърихи Ҷумҳурии соҳибистиқлоли Тоҷикистон. Роҳнамои таълимӣ-методӣ барои донишҷӯ» аз ҷониби ҳайати муаллифон — доктори илмҳои таърих, профессор Малика Зикриёева, доктори илмҳои таърих, профессор Аҳлиддин Ибодуллозода, номзади илмҳои таърих, дотсент Низора Хуҷасаидова, номзади илмҳои таърих, дотсент Назримуҳаммад Муродзода ва номзади илмҳои таърих, дотсент Ғайратшо Азаматзода ба нашр расид.

Дастури мазкур ҳамчун роҳнамои таълимӣ-методӣ барои донишҷӯён таҳия гардида, як асари мукаммал, замонавӣ ва фарогир дар самти омӯзиши фанни таърихи давраи истиқлол ва ташкили фаъолияти илмӣ-таҳқиқотии донишҷӯён ба шумор меравад. Китоб зери назари Донишгоҳи миллии Тоҷикистон, факултети таърих ва кафедраи таърихи халқи тоҷик омода гардида, бо қарори Шурои илмӣ-методӣ ба чоп тавсия шудааст.