Имрӯз дар Донишгоҳи давлатии омӯзгории Тоҷикистон ба номи Садриддин Айнӣ ба муносибати оғози соли нави таҳсил ва 35-солагии Истиқлоли давлатии Ҷумҳурии Тоҷикистон ҷамъомади тантанавӣ баргузор гардид.

Дар ҷамъомад роҳбарияти донишгоҳ, ҳайати профессорону омӯзгорон ва кормандони сохторҳои гуногуни донишгоҳ иштирок намуданд.

Дар доираи нақшаи чорабиниҳои Мақомоти иҷроияи ҳокимияти давлатии шаҳри Душанбе бахшида ба таҷлили 35-солагии Истиқлоли давлатии Ҷумҳурии Тоҷикистон имрӯз дар Боғи фарҳангӣ-фароғатии ба номи Абулқосим Фирдавсӣ бо иштироки Донишгоҳи давлатии омӯзгории Тоҷикистон ба номи Садриддин Айнӣ шоми фарҳангии «Шаҳди Истиқлол» баргузор гардид.

25 августи соли 2026 ректори Донишгоҳи давлатии омӯзгории Тоҷикистон ба номи Садриддин Айнӣ Аҳлиддин Ибодуллозода бо гурӯҳи донишҷӯёни донишгоҳ, ки дар доираи барномаи табодули академӣ ба Ҷумҳурии Корея сафарбар мегарданд, вохӯрӣ анҷом дод.

Дар соли таҳсили 2025-2026 дар доираи ҳамкориҳои муштараки байналмилалӣ гурӯҳи навбатии донишҷӯёни риштаи забони кореягии донишгоҳ, иборат аз 6 нафар, барои таҳсил тибқи барномаи табодули академӣ ба Донишгоҳи миллии Ҷонбуки Ҷумҳурии Корея сафарбар гардиданд.

Имрӯз дар Донишгоҳи давлатии омӯзгории Тоҷикистон ба номи Садриддин Айнӣ ҷаласаи назди ректори донишгоҳ Аҳлиддин Ибодуллозода бо иштироки деканони факултетҳо, муовинони онҳо ва мудирони кафедраҳо баргузор гардид.

Дар ҷаласа як қатор масъалаҳои мубрами фаъолияти донишгоҳ мавриди баррасӣ қарор гирифта, ҷиҳати ҳалли масъалаҳои баррасишуда ва беҳтар намудани раванди фаъолияти сохторҳои донишгоҳ аз ҷониби ректори донишгоҳ ба масъулин дастуру супоришҳои мушаххас дода шуданд.

Дар хобгоҳи №9-и омӯзгорони Донишгоҳи давлатии омӯзгории Тоҷикистон ба номи Садриддин Айнӣ корҳои ободониву таъмирӣ ҷиҳати боз ҳам беҳтар намудани шароити зисти омӯзгорон идома доранд.

Дар доираи корҳои анҷомдодашуда кормандони хобгоҳ дарвоза ва панҷараҳои ҳудуди онро рангубор намуда, ба намои зоҳирии бино ва муҳити атроф таровати тоза бахшиданд. Ҳамзамон, барои нигоҳдории ҳудуд ва беҳтар намудани ҳолати техникии иншоот корҳои зарурии таъмирӣ анҷом дода шуданд.

Илова бар ин, кошинҳои шикастаи қисматҳои алоҳидаи хобгоҳ таъмир ва иваз карда шуда, барои таъмини ҳолати хуби роҳравҳо ва дигар ҷойҳои истифодаи умумӣ чораҳои зарурӣ андешида шуданд.

Имрӯз дар Донишгоҳи давлатии омӯзгории Тоҷикистон ба номи С. Айнӣ қабули шаҳрвандон баргузор шуд, ки дар он ариза ва дархостҳои шаҳрвандону донишҷӯён аз ҷониби ректор Аҳлиддин Ибодуллозода дар доираи қонун ва тибқи тартиб баррасӣ гардиданд.