СӮҲБАТИ НАМОЯНДАГОНИ МАРКАЗИ МИЛЛИИ ТЕСТИИ НАЗДИ

ПРЕЗИДЕНТИ ҶУМҲУРИИ ТОҶИКИСТОН,  БО ДОНИШҶӮЁНИ ДОНИШГОҲ

Рӯзи 25 - уми ноябри соли 2020 дар толори бинои асосии ДДОТ ба номи Садриддин Айнӣ намояндагони Маркази миллии тестии назди Президенти Ҷумҳурии Тоҷикистон барои ҳамкориҳо бо мақсади ҷамъоварии фикру андешаҳои донишҷӯён дар бораи ИМД ва муайян кардани баъзе аз масъалаҳои марбут ба имтиҳонҳо дар байни донишҷӯёни курси якум сӯҳбат гузаронида шуд.

ПАРЧАМАТ БОДО ПАРАФШОН, ДУШМАНАТ БОДО ПАРЕШОН, ТОҶИКИСТОН!

Рӯзи 23-юми ноябри соли равон дар толори бинои асосии ДДОТ ба номи Садриддин Айнӣ бахшида ба рӯзи Парчами давлатӣ чорабинии фарҳангӣ таҳти унвони “Парчамат бодо парафшон, душманат бодо парешон, Тоҷикистон!” баргузор гардид. Нахуст чорабинии мазкурро бо сухани ифтитоҳӣ муовини ректор оид ба корҳои тарбиявӣ Мусоҷонзода Ҷамила Мансур ҳусни оҳоз бахшид. Сипас, Маъди Абдураҳмонов – мудири шуъбаи кор бо ҷавонони донишгоҳ дар мавзӯи “Парчами давлати рамзи Истиқлолияти миллӣ” маърӯза намуд.

ПАРЧАМАТ БОДО, ПАРАФШОН

Рӯзи 24-уми ноябри соли 2020 дар кафедраи иқтисодиёт ва идоракунӣ дар соҳаи маорифи ДДОТ ба номи Садриддин Айнӣ бахшида ба Рӯзи Парчами миллии Ҷумҳурии Тоҷикистон чорабини илмӣ – назариявӣ таҳти унвони “Парчамат бодо, парафшон ” баргузор гардид. Чорабиниро мудири кафедра н.и.и Аюбов Диловар оғоз бахшид.

ПАРЧАМИ ДАВЛАТӢ САРЧАШМАИ ИСТИҚЛОЛИЯТ

Санаи 24.11.2020 бо ташаббуси раиси ҷавонон, иттифоқи касаба ва раиси шӯрои духтарони донишҷӯёни факултети технология ва соҳибкорӣ семинари илмӣ - назариявӣ дар мавзӯи "Парчами давлатӣ сарчашмаи Истиқлолият" баргузор гардид, ки дар он декани факултети мазкур н.и.т., дотсент Сияҳаков Сафаралӣ ва ассистенти кафедраи методикаи таълими фанҳои тахассусӣ Оев Шамсиддин пиромуни ин мавзӯъ маърӯзаҳои пурмӯҳтаво намуданд.

Паёми шодбошии Президенти Ҷумҳурии Тоҷикистон, Пешвои миллат муҳтарам

Эмомалӣ Раҳмон ба муносибати Рӯзи Парчами давлатӣ

24.11.2020 06:00, шаҳри Душанбе

Ҳамватанони азиз!

Парчам яке аз рамзҳои асосиву муқаддаси давлатдории миллӣ ба ҳисоб рафта, мардуми шарифи Тоҷикистон ҳар сол санаи қабули онро бо ҳисси ифтихор аз Ватани муқаддаси худ ва давлати соҳибистиқлоли хеш таҷлил менамоянд.

Ба ифтихори ин санаи таърихӣ кулли ҳамватанони азизамонро табрик гуфта, орзумандам, ки парчами давлати соҳибистиқлоламон дар фазои Тоҷикистони маҳбубамон то абад парафшон бошад.

Мусаллам аст, ки ҳар як давлати соҳибистиқлолу озод ба ҷомеаи ҷаҳон, аз ҷумла Созмони Милали Муттаҳид маҳз бо парчами худ пазируфта мешавад ва эътироф мегардад.

Яъне Парчами давлатӣ  муаррифгари тоҷикон дар арсаи байналмилалӣ ва мояи ифтихори мо ҳамчун узви комилҳуқуқи ҷомеаи ҷаҳон мебошад.

МАВҚЕИ ДИРАФШИ КОВИЁНӢ ДАР ПИРӮЗИИ ТАМАДДУНИ ОРИЁӢ

Рӯзи 23.11.2020 дар кафедраи умумидонишгоҳии педагогика маҳфили ҷамъияти илмии донишҷӯён бо номи «Раҳнамои ҷавон», ки бо мақсади тайёр намудани мутахассисони илмӣ-педагогӣ зери роҳбарии муаллими калони кафедра Бегова Фарзона амал мекунад, бо иштироки донишҷӯёни факултети химия ва инчунин намояндаи шуъбаи идоракунии сифати таҳсилот ва назорати электронӣ н.и.п. Аҳадов Зайниддин, сармутахассиси раёсати илм ва инноватсия Хидиров Улуғбек таҳти унвони «Мавқеи Дирафши ковиёнӣ дар пирӯзии тамаддуни ориёӣ» бахшида ба рӯзи Парчами миллии Ҷумҳурии Тоҷикистон баргузор гардид.

ПАРЧАМ РАМЗИ ҲАСТИИ МИЛЛАТ

Санаи 23 – юми ноябри соли равон дар толори бинои асосӣ бо ташаббуси бахши магистратураи ДДОТ ба номи Садриддин Айнӣ, бахшида ба Рӯзи Парчами миллии Ҷумҳурии Тоҷикистон семинари илмӣ – назариявии бо иштироки магистрантони курси якум баргузор гардид. Чорабинӣ бо суханронии муовини ректор оид ба илм д.и.б., профессор Мирзораҳимов Акобир оғоз ёфт. Дар идома аз ҷониби магистри курси 1-уми факултети таърих Соидов Соҳибназар дар мавзӯи “Нақши Иҷлосияи XYII – уми Шӯрои Олӣ дар пойдории истиқлолияти давлатии тоҷикон”,