|
Суханронӣ ба муносибати Рӯзи забони давлатии Ҷумҳурии Тоҷикистон
04.10.2019 10:52, шаҳри Душанбе
Ҳамватанони азиз!
Забон неъмати бебаҳои зиндагии аҳли башар мебошад. Инсон фақат тавассути забон метавонад эҳсос ва
фикру андешаҳои худро иброз намояд.
Забони миллӣ ойинаи пурҷилои таърих, ҷаҳони маънавӣ ва хираду маърифати ҳар як халқу миллат ба шумор меравад.
Гузашта аз ин, дар фарҳангу тамаддуни халқу миллатҳо, аз ҷумла мо - тоҷикон забони модарӣ зербинои ҳувияти миллӣ
ва омили аслии ҳифзи он мебошад.
Забони модарии мо - забони ширину шево ва шоиронаи тоҷикӣ, ки донишу маърифати дар тӯли ҳазорсолаҳо андӯхтаи
мардумро дар худ нигоҳ доштааст, гӯётарин далели ҳастӣ ва мақоми ҳаётбахши он дар сарнавишти таърихии миллати мо ба ҳисоб меравад.
Яъне миллати шарафманди тоҷик таъриху фарҳанги камназири худро бо ҳамин забон иншо ва ба ҷаҳониён муаррифӣ кардааст.
http://prezident.tj/node/21519 |
Дар санаи 5. 10. 2019 дар факултети забони англисӣ Донишгоҳи давлатии омӯзгории Тоҷикистон ба номи Садриддин Айнӣ бо иштироки декани факултет, дотсент Баротзода Файзиддин, муовинони декан, мудирони кафедраҳо, омӯзгорон ва донишҷӯёни курси якуми ихтисоси англисӣ-кореягӣ ва англисӣ – хитоӣ чорабини фарҳангӣ бахшида ба “Рӯзӣ омӯзгорон” баргузор гардид.
Саҳифаҳои заррини таърих бо тарбияи дурахшони устодон то имрӯз давом ёфта, бар худ нақши абадӣ ифо намудаанд. Ва бо донишу малакаи худ пайкори муқаддаси хеш ҳамосаҳои шукӯҳманд ва ҷовидро дар созандагии инсон мутааҳҳид ба вуҷуд оварданд ва кохи баланди пояи илм ва фазилатро бино ниҳодаанд. Иғроқ нагуфтаем агар бигӯем, ки маҳз ба шарофатии муаллимон парчами тавҳиду ягонагӣ барафрошта гардидааст.
Рузи 02 октябри соли 2019 бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар бинои Раёсати сабти асноди ҳолати шаҳрвандии Вазорати адлияи Ҷумҳурии Тоҷикистон дар асоси Нақшаи чорабиниҳои муштарак бо вазорату идораҳои дахлдор мизи мудаввар дар мавзӯи «Пешгирии бемории ВНМО/БПНМ миёни ҷавонон – омили асосии солимии миллат» доир гардид.
Дар санаи 1 октябри соли 2019 дар Донишгоҳи давлатии омӯзгории Тоҷикистон ба номи Садриддин Айнӣ мизи мудаввар таҳти унвони “Мушкилоти забони ишора ва роҳҳои омӯзиши он дар оила барои кӯдакони мушкилоти шунавоӣ дошта” бахшида ба Рӯзи байналмилалии ношунавоён баргузор гардид. Дар ин мизи мудаввар мутахассисони соҳа, волидайни дорои кӯдакони мушкилоти шунавоӣ дошта, омӯзгорони мактаб-интернатҳои махсус барои ношунавоён, ташкилотҳои ҷамъиятӣ, донишогоҳу коллеҷҳое, ки ношунавоён таҳсил мекунанд ва ташкилотҳои маъюбон ширкат доштанд.
Имрӯз 30.09.2019 дар Донишгоҳи давлатии омӯзгории Тоҷикистон ба номи С. Айнӣ бахшида ба солрӯзи Мавлонои Рум чорабинии илмиву фарҳангӣ баргузор гардид. Дар чорабинии мазкур устодони донишгоҳ суханронӣ намуда, донишҷӯён аз ашъори безаволи Мавлоно шеърҳо қироат намуданд.
